Lukas 9:12 - O GIKIMOI AWI JAJI ma BUKU

¹² O wange he itumu de Awi muri yamogiowo de sinoto yahino itemo Unaka, “Baba! Sababu o riho manena imatingano, so nakoso daloha, lebelaha o nyawa yadadala manena nasulo itagi o doku de o soa imakokadateka, la ona o ino imasari de lo o tahu la imasidodogu.”

Lukas 9:12 Iomraidhean Croise

Matius 14:13

Ma orasi o Yesus o habari magena woise, de womajobo o deruku wopane so wahika o riho moi imatitingano ma ngale Una ka womatengoka. Duma o nyawa yadadala gena yoise Una womajoboka, de ona o bi doku ma sigilolino magena itagi itowongi so Una iwisiduuru.

Matius 15:23

Una he womisangowa. So Awi muri-muri gena yahino Unano de yotemo, “Baba, tanu nomisulo o ngopedeka magena motagika, sababu mototuuru nanga duduno de momatotoore.”

Matius 15:32

Dabolo de o Yesus Awi muri-muri waaso de wotemo onaka, “Kodo! Ngohi tasayangi o nyawa yadadala ona manena. Kanaga he o wange saange dabolo ona dede Ngohi, de o orasi manena ona manga maru ihiwaka. Ngohi todupawa tosulo ona iliho de manga poko ma raba ihiwa, done ona yalumo-lumo so o ngeko ma soaka de iruba.”

Lukas 9:11

Ngaroko komagena, o nyawa yadadala gena yoise Una womajoboka, so ona itagi Una iwisiduuru. So ona yaado Unaka, de Una asa ona wadehe daloha, dabolo de wadoto onaka ma ngale o Gikimoi asa wopareta maro o kolano moi, de lo ibipopanyake nagoona bato wasiloha.

Lukas 9:13

Duma Una wotemo, “Ngaroko he upa! La ngini bato niasiodo.” De ona yotemo, “Ngomi gena ka cawali kanaga o roti ngai motoha de lo o nao ngai sinoto. Nagala ngomi bilasu mitagi o ino miaija ma ngale o nyawa yadadala ona manenaka.”

Yohanes 6:1

So daboloka, de o Yesus de Awi muri-muri yokahika o Galilea ma Talaga ma sonongaka, o talaga magena isironga lo o Tiberias ma Talaga.

Filipi 1:19

ma sababu magena ngohi tanakoka, done ngohi ma kolano awi hakim ma simaka, ma ngale ngohi manena ngaroko o sangisara dangodu ma rabano gena aku isisupu eko hiwa, ngohi asa tamake o utungu. Sababu ma ngale ngohi ngini niasumbayang ma rabaka gena niwosawa de o Yesus Kristus Awi Gurumi lo aku ngohi woiriwo.