Lukas 8:23 - O GIKIMOI AWI JAJI ma BUKU

²³ So ona o deruka, de Una womaidu so iwikioloka. Imatodoka o paro de o rato dasosihilo de o moku-moku imasidiado so manga deruku o ake yobane sidago manga deru he ikiloro.

Lukas 8:23 Iomraidhean Croise

Lukas 5:1

So ma moiku o Yesus kanaga womaokoye o Genesaret ma talaga ma dateka, de o nyawa yadadala iwisidehelo Unaka, yodupa o Gikimoi Awi demo yoise.

Lukas 8:22

O wange moiku o Yesus de Awi muri-muri o deruku yopane, de wotemo onaka, “Hino la ngone pomasisihito kadoka o talaga ma sonongaka.” So ona o deruku so yoside de imajoboka.

Rasul 27:2

Kagena o Kaisarea ma bobaneka de o deru moi o Adramitium ma kotano asa imasidiado. So o deru magenaku ngomi mipane de asa miside miakahika o Asia ma daera ma bi bobane moi-moika mitulu. So ngomi de o Makedonia ma nyawa moi, awi ronga o Aristarkhus, una magena o Tesalonikano wakahino so una de ngomi miside mimakederu moi.

1 Korintus 15:30

De lo nako ngomi gena, kanaga o orasi isigeto-geto ma ngale mia manara, o habari daloloha misihohabari gena, asa o sangisara ma rabaka mitagi. Nakoso igogou isosone done yasioho kawa, de mia sangisara magena lo ma faida kanaga ihiwa bai!

Ibrani 4:15

Sababu igogou, nanga Imam Wilalamo manena ma ngale ngone nanga buturu ikurangi gena waaku wamalo. Wamaloka, sababu maro o tailako ma bi ngeko moi-moi gena dangodu inadahe ngoneka, komagena lo Unaka o tailako ma ngeko magena lo asa iwidahe daboloka, duma Una ka o dorou moi lo waakawa.