Lukas 8:21 - O GIKIMOI AWI JAJI ma BUKU

²¹ Duma Una wotemo onaka, “Nakoso to Ngohi Ai awa de to Ngohi Ai gianongoru, gena o nyawa nagoona o Gikimoi Awi demo yoise de lo yamomanara.”

Lukas 8:21 Iomraidhean Croise

Matius 17:5

O Petrus ka wobicarasi, de imatodoka o lobi-lobi isisiru o bolu moi iuti so yasaoka, de o lobi-lobi ma rabano o ili moi iise itemo, “Una manena to Ngohi Ai Ngopa towidododara. Una Ai sininga yadahe de ka Unaka bilasu niwisigise!”

Matius 25:40

De ma kolano Ngohi gena asa tasango onaka, ‘Ngini tinisingangasu igogou, o kia bato niaaaka to Ngohi Ai dodiao imomote ona manenaka, ngaroko ona yacecekeka, duma de magena ma ngale lo ngini niaaka Ngohika bai!’

Matius 25:45

De ma kolano Ngohi gena asa tasango onaka, ‘Ngini tinisingangasu igogou, ma ngale o kia bato niholu niaaka ona yacecekeka, so de magena ma ngale ngini lo niholu niaaka Ngohika bai!’ ”

Matius 28:10

Kagena de wotemo, “Upa nimodo! Nitagi bato, niasingangasu Ai dodiao imomote ona magenaka la ona yotagi o Galileaka, de kadoka asa ona Ngohi ikelelo.”

Lukas 8:15

O gisisi o tona dalolohaku ioho daloha, gena imatero bato o nyawa de manga sininga igogou daloha so o Gikimoi Awi demo magena yoiseka, de imadiahi manga sininga marabaka. Ona magena o Gikimoi Awi demo gena yopiricaya daputuru sidago lo de ma sopo.”

Lukas 8:20

De o nyawa moi yadadalano wosibicara Unaka wotemo, “Ai tabea, Baba. Ani awa de Ani gianongoru ona yodupa nimakamake de Ngona, ona kadoke naga ma duduka itamaha bai!”

Yohanes 13:17

De magena o dodoto manena ngini kanaga nianako itiaika, so ngini asa igogou nisanangi, nakoso ngini nimahadoku de nimatekeleleani moi de moika.

Yohanes 20:17

De wotemo kali, “Ngohi gena Ai Babaka toliho waasi, so upa Ngohi noicoho. De notagi bato la nasingangasu Ai dodiao imomote ona magena yangoduka nadedemo, ‘Ngohi asa toliho Ai Babaka eko o Gikimoi towisusubaka, Una magena lo to ngini nia Baba eko o Gikimoi niwisusuba.’ ”

2 Korintus 5:16

So ngomi gena de o dunia ma nyawa manga duduga magena miapake kawa. Maro komagena ipapasaka, ma moiku de ma Kristus gena ngomi miwituga de o dunia ma nyawa manga duduga, duma o orasi manena miapake kawa.

2 Korintus 6:18

Ngohi asa todadi to ngini nia Baba, de ngini gena asa nidadi to Ngohi Ai ngopa-ngopaka.’ Komagena o Jou Wokokuasa Awi demo.”

Yakobus 1:22

De magena upa lo ka niise, duma hika ngini o Gikimoi Awi demo magena niaaka. Upa sidago ngini ka niise, de magegena asa ngini masirete lo ka nikulai.

1 Yohanes 2:29

Sababu ngini lo nianako o Gikimoi o orasi isigeto-geto o moi-moi itotiai gena wodupa waaka, so igogou nakoso o nyawa la kanaga o bi moi-moi itotiai gena yodupa yaaka, de igogou ona magegena to Una Awi ngopa-ngopaka.

3 Yohanes 1:11

Mutuwade, ai dodiao tonidododara, maro to una awi manara datotorou magena tanu upa ngona naaka. Duma tanu o bi moi-moi daloloha maro kamagena bilasu nokaeli naaka. Sababu o nyawa nagoona nakoso kanaga o loha yodupa yaaka, ona magena lo igogou maro ka o Gikimoi Awi nyawa. Duma o nyawa nagoona nakoso kanaga o dorou yodupa yaaka, de ona magena igogou o Gikimoi iwinakowa.