Lukas 8:2 - O GIKIMOI AWI JAJI ma BUKU

² Kanaga lo o ngopedeka yamuruo naga iwimote. Ona magena idomaka manga panyake wasilohaka eko yakokitoka manga toka gena wodusu so imahoika. Mimoi ongo Maria, misiaso lo ongo Magdalena. O orasi moiku o Yesus wodusu to muna magena ami toka ngai tumudingi.

Lukas 8:2 Iomraidhean Croise

Matius 4:24

Mutuwade o habari ma ngale o Yesus gena o bi nyawa yogiise de yanako sidago o bi doku o Siria ma daera ma sigilolino, so o nyawa yadadala yahino Unano. O nyawa ona magena yangaho o nyawa yasisiri yadala moi-moi de manga panyake imaketerowa. O nyawa ona magena kanaga manga siri isangisara poli, yakokitoka, yamumusu de lo manga rohe isosone yangodu ona magena Una wasilohaka.

Markus 16:1

Ma orasi o Sabat ma wange ipasaka, de ongo Maria Magdalena, ongo Maria o Yakobus ma awa, de lo ongo Salome itagi o bi rapa iija ma ngale o Yesus Awi sone ma bake isimuja.

Markus 16:9

La o Nahadi ma goginitano, o Yesus wooho kali o nyawa isosone manga sidongirabano, de Una womasimane ma noma-noma ongo Maria Magdalenaka, muna idodoma Una asa wodusu to muna manena ami toka ngai tumudingi.

Lukas 23:27

Kanaga manga duduno o bi nyawa yadadala gena itotuuru, de komagena lo manga sidongirabaka o bi ngopedeka yamuruo naga. O ngopedeka ona magena iari de lo idodora ma ngale Una.

Lukas 23:49

Nako o nyawa Una winanako de lo o bi ngopedeka ma orasi Una o Galilea ma dokuka so wimomote de wiriwoka, ona yangodu kagenadahu lo o kia naga idadadi magena dangodu yakelelo, gena ma soa sutu ikuruka.

Lukas 23:55

Komagena so o bi ngopedeka, o Yesus o Galileano wimomote, ona magena o Yusuf wisiduuru yahika o boosuka, de kagena ma rabaka yananano idodooha o Yesus wipoosu.

Lukas 8:30

De wosano, “Ani ronga naguuna.” Wikokitoka una magena wosango, “Ai ronga Dala.” (Wosango komagena sababu wikokitoka una magena awi toka idala.)

Yohanes 19:25

De kanaga o Yesus Awi sangahadi ma dateka imaokoye gena Una Awi awa, de ma awa ma nongoru, de o Klopas ma pedeka ami ronga ongo Maria de lo ongo Maria Magdalena.

Rasul 1:14

Kagena ona dede ongo Maria, o Yesus ma awa, de o Yesus Awi nonongoru, de lo o bi ngopedeka yangodu imatolomuno de manga sininga ka ka moi la o wange isigeto-geto isumbayang.