Lukas 7:42 - O GIKIMOI AWI JAJI ma BUKU

⁴² Ona magena yaakuwa o nagi magena yafangu, de una wasibabauka gena wotemo, ‘Nia nagi gena dangodu ngohi tapikika.’ So yasinoto gena naguuna asa ifoloi iwidodara una wasibabau magenaka.”

Lukas 7:42 Iomraidhean Croise

Matius 18:27

So ma kolano awi galusiri asa ibaoka, wamalo o gilalo una magena wigalusiri sidago lo wipalako, de wotemo unaka, ‘Ani nagi gena dangodu ngohi tapikika.’

Matius 18:34

Ma kolano gena foloi wingamo. So o gilalo ma dorou gena iwisingosa o buika, sidago una wofangu awi nagi dangodu-ngodu. Sidago kagena.”

Matius 6:12

De to ngomi mia dorou tanu nosiapongu, imatero maro ngomi lo o nyawa manga dorou gena miasiapongu.

Lukas 7:43

O Simon wosango, “Nagala o nyawa awi nagi foloi ilalamo yapiki.” De Una wotemo, “Ani sango gena itiai.”

Roma 3:24

De ka cawali Awi dupa masirete de lo Awi laha wonasidihike ngoneka, so asa Una waaka nanga sininga itiai, gena ma dodagi o Yesus Kristus ma ngale nanga dorou ma ija gena Una wosone, so ngone nanga dorouno aku wonapalako.

Roma 5:6

Ngohi totemo komagena, sababu ma orasi o Gikimoi wositatapuka ma Kristus asa kanaga wosone ma ngale ngone, ma orasi kiaka ngone paakuwa nanga dorouno pomapalako de nanga manara o kia o Gikimoi wodudupawa.

Galatia 3:10

Sababu nakoso o nyawa kanaga itemo “Nako ngohi ka cawali o Yahudika manga bobita moi-moi o Musa walelefo gena dangodu tamote, de asa ai sininga o Gikimoi waaka gena itotiai,” ona magena o Gikimoi asa wakutuku. Sababu ma ngale o nyawa la maro ona magegena Una wasisala daboloka. Una Awi Bukuka isilelefo, “O nyawa nakoso o Yahudika manga bobita o Gikimoino isilelefo o Buku ma rabaka la kanaga ngai moi yatilaku, de o Gikimoi asa ona wasisala lo daboloka.”

Efesus 1:7

Sababu ma Kristus gena wisulo la ma ngale nanga dorou ma ija gena Una wosone de Awi au ikopola, so ngone nanga dorouno o Gikimoi aku wonapalako, de lo nanga dorou gena wosiaponguka. Idadi komagena sababu Una Awi laha magena foloisi ilamo.

Efesus 4:32

Duma ngini bilasu nimatekegalusiri moi de moika, de niadupa ka cawali o loha niaaka de lo nimasikaapongu moi de moika, imatero maro o Gikimoi winisiapongu dabolo nginika, sababu igogou ngini de ma Kristus nimarimoika.

Kolose 3:13

De lo upa nimatekedoosa, duma nakoso o nyawa moi nia sidongirabaka kanaga de manga galaki moi manga dodiaoka, hika ngini nimatekesikaapongu moi de moika gena ka daloha ma rehe-rehe, imatero maro ma Kristus winisiapongu dabolo nginika.