Lukas 7:2 - O GIKIMOI AWI JAJI ma BUKU

² De o doku magenaka kanaga o Romaka manga kapita kanaga awi leleani moi foloi wisayangi. O leleani una magena wopanyake so awi siri he datubusoka, so he yadangade wosone.

Lukas 7:2 Iomraidhean Croise

Dodadi 24:27

wotemo, “O giliri tatide de tosilamo o Jou Awi ronga, sababu ai baba o Abraham awi Gikimoi gena Una wototiai, so Awi laha asa wosidumu ai baba o Abrahamka, sidago lo maro o kia naga wijajaji unaka so ngohi woituda de woingaho, la woisikahika ai baba to una awi ria de awi gianongoruka.”

Dodadi 35:8

Kagena naga lo ongo Ribka ami awa piara moi ami ronga ongo Debora mosone so muna mipoosu o Betel ma duduka o gota ilalamo moi ma litimiku, sidago lo o gota magena isironga O Gari ma Gota Ilalamo.

Matius 27:54

Ma kapita moi dede awi prajurit-prajurit o Yesus wijojajaga gena o osu de lo o kia naga idadadi magena yakelelo, de ona yamodo imasidotirineku, de yotemo, “We! O nyawa Una manena igogou o Gikimoi ma Ngopa!”

Lukas 23:47

O prajurit-prajurit manga kapita moi o kia naga idadadi magena wakelelo, de una o Gikimoi wigiliri, de wotemo, “We! O nyawa Una manena igogou Awi sala ihiwa!”

Lukas 7:1

Ma orasi o Yesus o bi nyawa yadadala wadoto daboloka, de Una wotagi so womasidiado o Kapernaum ma dokuka.

Lukas 7:3

Kagena de ma kapita wogiise gena o Yesus asa womasidiadoka, de una wasulo la o Yahudika manga roriri yamuruo naga yotagi yogolo o Yesuska, tanu Una wahino cai-cai la awi leleani una magena iwisiloha.

Lukas 8:42

sababu awi ngopa o ngopedeka momatetengo, ami umuru taungu mogiowo de sinoto, o siri ma rabaka he yadangade mosone. So kagena de o Yesus wotagi wokahika o Yairus wimote, de o nyawa yadadala o Yesus iwisidehelo.

Rasul 10:1

Kanaga o Kaisarea ma kotaka o nyawa moi awi ronga o Kornelius, una o Yahudika ma nyawa wisowo de o Roma o Italiaka manga prajurit o bolu moino gena yaratu butanga ma kapita.

Rasul 10:7

So o malaikat o Kornelius wibicara dabolo so itagika, de o Kornelius waaso awi nyawa o tahu ma rabaka ileleleani yasinoto de lo awi nyawa ileleleani moisi una magena o prajurit moi de awi sigogise daloha o Gikimoika.

Rasul 22:26

So o prajurit manga sahe magena woise, de una wotagi de ma kapitaka wodedemo, “Baba, o nyawa una magena o Romano ma nyawa. De dadoohaso ngona nosulo so ona wiaka komagena.”

Rasul 23:17

So kagena de o Paulus wiaso o prajuritka manga sahe moi, de wotemo unaka, “Hika notagi o gohiduuru manena nowitota ma kapitaka, sababu o habari kia naga moi asa wodedemo unaka.”

Rasul 27:1

So ma orasi isitatapu daboloka ma ngale o Paulus de ngomi o deruku mipane la miside mikahika o Romaka gena o Italia ma daeraka, so de mimajobo o Paulus de o nyawa yamuruo naga o bui ma rabaka yasisaraha o Yuliuska, una magena ma Kaisar awi prajurit yaratu moi manga sahe.

Rasul 27:3

Ma langino ngomi mimasidiado o Sidon ma bobaneka. O Yulius una magena o Paulus wiriwo so aku wisimaha una magena wotagi awi dodiaoka, ma ngale ona kagena awi oho ma kurangi wihike unaka.

Rasul 27:43

Duma o prajuritka manga sahe magena awi dupa la o Paulus wisisalamati, so una wasimahawa manga edekati magena yaaka. So ka wapareta nagoona aku itobo imatengo, de upa he o ifaka imasigocoho, hika imaumo idoma o teoku ma ngale itobo sadine o dududusa.

Kolose 3:22

De lo ngini gena nako o gilalo, hika nia tuangi ona gena salalu niasigise. Upa ka cawali ma orasi kanaga ona ininanano, maro nia edekati gena nia giliri nisimane, duma bilasu ngini ona niasigise gena de nia sininga igogou. Sababu ngini gena kanaga o Jou niwihoromati.