Lukas 7:12 - O GIKIMOI AWI JAJI ma BUKU

¹² Kagena o doku ma ngora he idumu, de imakamake de o nyawa yadadala, ena momongo wososone iwitota la wipoosu. Wososone una magena mobabalo moi ma ngopa ka womatetengo, so yadadala imimote o pandangaku wisitide de wisisupu yodupa iwipoosu.

Lukas 7:12 Iomraidhean Croise

Dodadi 22:12

“Upa lo ani ngopa una magena nowitooma. Sababu ani ngopa womatetengo de nodupa nowitooma la idadi ani gaso moi o Gikimoika, so o orasi manena gena igogou Ngohi tanako ani sigogise de ani piricaya itotiai Unaka.”

Dodadi 22:2

De o Gikimoi wotemo, “Hika to ngona ani ngopa yanau womatetengo, o Ishak una magena nowisayangi foloi gena, bilasu ngona nowingaho la nitagi o Moria ma tonaka. La niahika kagena de asa Ngohi tonisidumu o tala moika, ma ngale ani ngopa una magena maro o gaso moi ani haiwani yatutupu, la noisisuba Ngohika.”

Lukas 7:11

Itekawa, de o Yesus wotagi o doku o Nainka, de lo Awi muri-muri de o nyawa yadadala ipolu-polu itagi imakangaho dede Una.

Lukas 7:13

Kagena de o Jou Yesus ma awa womikelelo so Awi galusiri ibao mobabaloka, de wotemo, “Kodo! Ai awa, upa noari bai!”

Lukas 8:42

sababu awi ngopa o ngopedeka momatetengo, ami umuru taungu mogiowo de sinoto, o siri ma rabaka he yadangade mosone. So kagena de o Yesus wotagi wokahika o Yairus wimote, de o nyawa yadadala o Yesus iwisidehelo.

Lukas 8:52

Iwosa de o nyawa yangodu magena yododora manga ili yapoputuruka sababu mosoneka. Duma Una wobicara, “O ngopa manena mosonewa, duma mikioloka, so upa niari.”

Yohanes 11:19

so kanaga o Yahudika yadadala o Yerusalemka de yahino, la ma ngale manga hira wososone gena aku ma bira moriria ongo Marta de mononongoru ongo Maria ona magena manga sininga isiputuru.

Rasul 9:39

O Petrus gila-gila womasidailako so wotagi wamote o nyawa yasinoto magena. So imasidiadoka, de o Petrus wingaho o ngihi magenaka. Kagena ibabalo yangodu iwisigilolino, idodora de iwisimane unaka kiaka muna mosone waasi de o bi baju maguri so mahike onaka.

Rasul 9:41

Gila-gila o Petrus awi gia watoa la womiriwo momaoko. Dabolo de o Petrus waaso o nyawa ipipiricaya kagenadahu, komagena lo o ngopedeka ibabalo, la wasikelelo onaka muna mooho kali.

Yakobus 1:27

So nakoso o nyawa la o Gikimoi widodara, so manga moi-moi yaaaka gena igogou daloha de manga dorou moi lo ihiwa nanga Baba Gikimoi Awi simaka. So ona magegena bilasu yaaka maro komanena: Nakoso ibabalo eko o ngopa imagogoosi la kanaga ona o susa yamake, done asa ona magena yariwo. De ona lo asa imajaga, ma ngale o nyawa o Gikimoi wihoholu gena manga dorou moi lo akuwa he yososininga, upa sidago magena lo ona yaaka.