Lukas 6:44 - O GIKIMOI AWI JAJI ma BUKU

⁴⁴ Ngone asa panako o gota daloloha de o gota datorou nako ma sopoka ponano. Idadiwa o ngangaru datotopoka ma sopo o ara, eko pamake ma sopo o anggur.

Lukas 6:44 Iomraidhean Croise

Matius 12:33

Nako o bi gota daloloha gena ma sopo lo daloha. De lo nako o bi gota datotorou gena ma sopo lo datorou. Ngini asa nianako o gota daloloha de o gota datorou nako ma sopo gena ninano. Komagena lo ngini asa nianako Ngohi manena daloha eko datorou, nakoso to Ngohi Ai manara ma sopo gena nianano.

Matius 7:16

Ngini asa nianako ona manga gulai, hitilahi to ona manga manara ma sopo gena nianano. Idadiwa o ngangaru datotopoka ma sopo o anggur, eko pamake ma sopo o ara.

Matius 7:20

So nakoso ngini nianako to ona manga gulai hitilahi to ona manga manara ma sopo gena nianano.

Yakobus 3:12

De lo o bole ma hutuno yaakuwa ma sopo o igo lo ioho, de lo o igo ma hutuno yaakuwa ma sopo o bole lo ioho. Komagena lo o sumu datotorou yaakuwa isupu o ake daloloha. Magena maro o goginano moi ngoneka, so ma orasi ngone posumbayang de o Gikimoi Awi ronga posilamo daboloka, de upa ngone gena asa o nyawa lo manga ronga paaka datorou.

Yudas 1:12

Ma orasi ngini o gogobu nia dolomu ma odo ma rabaka la o Jou Yesus Awi sone nisosininga, de ona magena ibarani yorarame de ikalala poli, sidago lo ma ngale ona magena ngini lo nimade de nia ronga ma dorou yogaka. De ona yoodo ilamo poli, ka manga rohe masirete yojaga. Kanaga ona manga manara ma sopo ihiwa, maro o bi lobi dataroka duma o paro isisaika so imuurawa. De lo ona maro o gota isosopowa, de ma ngutu lo imasidarapuka so idadi datololeka.