Lukas 6:42 - O GIKIMOI AWI JAJI ma BUKU

⁴² Idodooha so ngini nitemo nia dodiaoka, ‘Nahino la ngohi o gaapo ani lakono tosisupu,’ duma kanaga lo maro o ifa moi yodebesu to ngini nia lako masireteka. He! Ngini manena nikokulai! Ma nonomaka ngini bilasu o ifa moi yodebesu to ngini nia lako masireteka nisisupu kasi. Dabolo la nia lako asa datebika, de asa idadi so o gaapo nia dodiao manga lakoka gena aku niakelelo so nisisupu kali.”

Lukas 6:42 Iomraidhean Croise

2 Petrus 1:9

Duma nakoso kanaga o nyawa manga gogoho komagenawa, de ona magena o Gikimoi Awi dupa magena asa yanakowa koloko ipipilo so ona imasigogelelowa, sababu ona yawosaka manga dorou idodomaka gena dangodu o Gikimoi wasisaka ma ngale manga sininga datebi.

2 Timotius 2:21

Komagena lo nakoso o nyawa la yodupa yadongosa o dorou moi-moi, ona magena o Gikimoi Awi manara aku yaaka, de ona maro o lelenga datetebi ma ngale o nyawa yahohoromati isiodo. De maro o lelenga datetebi yatingaka ma ngale o tahu ma duhutu awi pake masirete, so ona magena o Jou wasitatapuka la o manara daloloha o kia bato o Jou wodudupa gena ona asa yaaka.

2 Korintus 5:18

O Gikimoi Awi manara magegena dangodu waaka ngoneka. Una Awi Ngopa wisulo la wosone, so Una dede ngone asa pomarimoika de pomakadameka. De kanaga ngomika o manara womihikeka la mitagi o habari magena misihabari o nyawaka, ma ngale ona lo aku dede Una imarimoika de imakadame kali.

Roma 2:1

Ngini ai dodiao o Yahudika ma nyawa, upa lo nia siningaka nitemo o nyawa ma dorou maro ona magegena bilasu yasisala de manga dorou ma fanggali yamake. Nako komagena, de ngini nitemoli bilasu ngini masirete lo nisisala de nia dorou lo o Gikimoi wafanggali de o dorou. Sababu maro to ona lo de manga sala komagena lo ngini, so akuwa niasitemo, “Ngohi ai dorou moi lo ihiwa.” Maro komagena upa bai!

Rasul 13:10

de wotemo, “He! Ngona nitotodamatoko de o nyawa ma dorou, ngona nalawangi o Gikimoi Awi manara so ngona maro ka o Iblis! Dadoohaso nitodamatoko o Jou Gikimoi Awi manara itotiaika.

Rasul 8:21

Sababu ani sininga itiaiwa o Gikimoi Awi simaka, so ngohi toholu tosimote ani sininga ma dorou magena so tonihikewa.

Rasul 2:38

De o Petrus wosango wotemo, “Bilasu nitoba de niodongosa moi-moi to ngini nia manara datotorou, de nimabolutu o Yesuska, de ngini moi-moi bilasu nisiosi dede o Yesus Kristus Awi ronga de niwipiricaya, la o Gikimoi asa to ngini nia dorou de nia sala wosiapongu, de winihike to Una Awi Gurumi Datetebi la wowosa to ngini nia siningaku.

Lukas 22:32

Duma Ngohi manena tosumbayang ma ngale ngona, la ani piricaya asa upa isisa. So done ani piricaya gena daputuru kali, de ngona bilasu ani dodiao manga sininga gena nosiputuru.”

Lukas 13:15

So o Jou Yesus wotemo, “He! Ngini manena nikokulai! Ngini ningodu, nakoso nia sapi eko nia jara gena, ka daloha o Sabat ma wangeka niasose de niaaho nisisupu la o ake nisiudo.

Matius 26:75

De o Petrus gena womasininga igogou ma nonomasi o Yesus asa wisitemo unaka, “O toko isore waasi, de ngona he nomanosu nosipara ma saange.” La una wosupu de woari wosodu-sodu.

Matius 7:3

Ce! To ngini nia dodiao manga sala daceke maro o gaapo manga lakoka magena aku niakelelo, duma niakelelowa kanaga nia sala ilalamo maro o ifa moi yodebesu nia lako masireteka.

Matius 7:4

Idodooha so ngini nitemo nia dodiaoka, ‘Nahino la ngohi o gaapo ani lakono tosisupu,’ duma kanaga lo maro o ifa moi yodebesu to ngini nia lako masireteka.

Lukas 6:41

Ce! To ngini nia dodiao manga sala daceke maro o gaapo manga lakoka de magena aku niakelelo, duma niakelelowa kanaga nia sala ilalamo maro o ifa moi yodebesu nia lako masireteka.

Lukas 6:43

“Kanaga idadiwa o gota daloloha gena ma sopo datorou, de lo o gota datotorou gena ma sopo daloha.