Lukas 6:21 - O GIKIMOI AWI JAJI ma BUKU

²¹ Ngaroko o orasi manena nisapi, ngini igogou nisanangi, sababu ngini manena asa o Gikimoi o ino winihike la nipunu. Ngaroko o orasi manena niari, ngini igogou nisanangi, sababu ngini manena asa igogou de nia nali de nia moreka.

Lukas 6:21 Iomraidhean Croise

Dodadi 17:17

So kagena de o Abraham wobukuku de wosuba, duma awi sininga ma rabaka idohe de lo itemo, “Ce! Ngohi topiricayawa maro ngohi ai umuru he o taungu ratu moi de bilasu o ngopa ka tamakesi. De lo topiricayawa ongo Sara ami umuru o taungu morisiwoka de aku ka mopuosi.”

Dodadi 21:6

De ma pedeka motemo, “We! O Gikimoi aku waaka so ngohi inali de tomore sidago lo todohe. Sababu naguuna eko nagumuna o wange manena de ai rokaka itemo, igogou ngohi ai ngopa tasusu. Duma idadi komagena so ngohi lo aku topuo, ngaroko ai roka gena igogou wiperekika. So o nyawa yangodu iise de yananako o hali idadadi gena, ngohi dede ona asa minali de mimore sidago lo midohe kali.” (Nako o bahasa Ibrani ma demo “Ishak” gena ma beto he imatero de o demo moi de ma ngale gena modohe.)

Matius 5:4

Ngaroko, o nyawa manga sininga ipeleso, ona igogou yosanangi, sababu ona magena asa o Gikimoi wasiputuru so ona yopeleso kawa.

Matius 5:6

O nyawa igogou de manga dupa so manga sininga itiai o Gikimoi Awi simaka, ona igogou yosanangi, sababu o kia yodudupa gena asa o Gikimoi wahike de ma boloika.

Lukas 1:53

Una aku o nyawa yasasapi ona magena wasipunu de o kia naga daloloha. Una aku o nyawa ikakaya wadusu de ona itagi ka manga kia-kia lo waali.

Lukas 6:20

De o Yesus wanano ona wimomoteka de wotemo, “Ngaroko nisususa, ngini igogou nisanangi, sababu ngini manena igogou o Gikimoi Awi nyawa-nyawa Awi pareta ma rabaka.

Lukas 6:22

Ngaroko o nyawa iniduhudu, ona de ngini iniholu, de nisibicara datorou de lo nia ronga ma dorou yogaka sababu ma ngale Ngohi o Nyawa ma Duhutu nimoteka, ngini igogou nisanangi.

Lukas 6:25

Nibodito ngini o ino nimamake de ma boloi so nipunuka o orasi manena, sababu orasi ma simaka ngini asa nisapi. Nibodito ngini de nia nali de nia moreka o orasi manena, sababu orasi ma simaka ngini asa niari de nia sininga ipeleso.

Yohanes 11:35

Ato o Yesus woise, de Una woari wosodu-sodu.

Yohanes 4:10

Duma Una asa wotemo munaka, “Nakoso ngona gena nanako o kia naga o Gikimoi Awi ngongike o nyawaka, de lo nakoso ngona Ngohi noinakoka o ake togogolo Ngohi manena gena naguuna, ngona lo asa o ake nogolo kali Ngohino, kekiaka de o ake magena o nyawa aku o oho ma duhutu yamake.”

Yohanes 6:35

Wotemo, “Ngohi gena tomasitero maro to ngini nia roti, sababu nakoso o roti la o nyawa yaodo gena, ona aku ioho. Komagena lo o nyawa nagoona la yahino Ngohika de kanaga Ngohi ipiricaya, ona magena asa he yasapi kawa de lo manga kiri dadudu kawa.

1 Korintus 4:11

Sidago o orasi manenaka de ngomi misangisara gena, mia ino, de mia udo, de mia baju lo ikurangi. De komagena lo o nyawa imingangapo de lo ngomi maro ka o nyawa itatagi so o rihomoi-rihomoika mimatuluru.

2 Korintus 11:27

To ngohi ai gia ma manara gena foloi ilamo de datubuso. Ma para idala idadiwa ngohi tomaidu, toodo, eko toudo. Ma para idala lo ngohi isapi, ialo, de lo ai baju ikurangi.

2 Korintus 12:10

So nakoso ngohi ai buturu ikurangi, de ngohi gena asa tosanangi. Ngohi tosanangi nakoso ai ronga ma dorou yogaka eko ngohi de ai kurangi, de lo nakoso ngohi o sangisara de o susa ma rabaka ma ngale ma Kristus gena towipiricaya daputuru. Sababu nakoso ngohi kanaga de ai buturu sutu ikurangi, de ma Kristus Awi kuasa asa ngohi isiputuruka.

2 Korintus 6:10

Kanaga ngomi gena mia sininga ipeleso, duma kanaga o orasi isigeto-geto lo ngomi mia sininga ka danali. Kanaga ngomi gena o nyawa isususa, duma kanaga lo ma ngale ngomi o Gikimoi Awi laha gena misihabari o nyawa yadadalaka, so ona aku idadi maro ikakaya. De kanaga lo ngomi gena maro o kia-kiawa miamake, duma kanaga ngomi lo o bi moi-moi dangodu de maena o Gikimoi womisitodihike so daboloku idadi ka to ngomi masirete.

Yakobus 1:12

Nakoso o nyawa la o sangisara eko o susa yamake de kanaga yamoku lo, ona magena asa yososanangi. Sababu o orasi magena ona yatailakosi, so dabolo de ona magena asa o Gikimoika manga piricaya foloi daputuru. So ona magena o Gikimoi asa manga piricaya ma sopo wofanggali de o oho ka sidutu ikakali, maro Awi jaji onaka, nakoso igogou ona widodara Unaka. Gena imatero o goguule ma rabaka de o nyawa moi womagogora la ma bati waado wodoma, so una asa o hadiah wamake.

Gogelelo 21:3

De lo asa toise o pareta ma kursino o ili ilalamo moi itemo, “He! O Gikimoi Awi goge o orasi manena asa kanaga o nyawa manga sidongirabaka. Komagena so o nyawa ona magena asa yodadi to Una Awi nyawa de Una masirete lo asa wogoge dede ona, imatero maro to ona manga Gikimoi masirete.

Gogelelo 7:16

Mutuwade ona magena he yasapi kawa de manga kiri lo dadudu kawa, de lo o wange ma sahu eko o sahu maro o uku ma sahu lo he yadahe kawa.