Lukas 6:12 - O GIKIMOI AWI JAJI ma BUKU

¹² O orasi magena o Yesus o tala moiye wodola la ma ngale wosumbayang, so kagena o putu moi wapasiku wosumbayang o Gikimoika.

Lukas 6:12 Iomraidhean Croise

Matius 5:1

Ato o Yesus wakelelo o nyawa yadadala ona magena iwimoteno, de Una wodola o doku moiye. So dabolo de kagena wogogeku, de o nyawa iwimomote gena yahino so kagena iwisigilolino,

Matius 6:6

Duma ngini gena nakoso nisumbayang, bilasu nia tahuka niwosa so ka nimatengoka de nisumbayang nia Baba wikokelelowa. Sababu Una gena igogou nia manara o nyawa yananakowa gena Una wanako, de asa ngini winifanggali.

Markus 1:35

Ilangi-langi daginitano, de o Yesus womomika, so wosupu o doku ma duduka so wahika o riho moi imatitingano, la kagena asa Una wosumbayang.

Markus 3:13

So komagena idadika, de o Yesus o tala moiye wodola la waaso o bi nyawa nagoona Una Awi sininga yadahe. So kagena de o bi nyawa ona magena yahino Unaka,

Markus 6:46

So de o nyawa yadadala magena ilihoka, de Una o pido moika wakahika la wosumbayang.

Lukas 5:16

So Una bilasu womatinga wahika o riho moika de o riho moi kali, la kagena asa Una wosumbayang.

Lukas 6:11

Kagena de o bi Farisika de lo o bi guru agama ona magena igogou yatoosa bai! So ona itagi imatekefakati, la ma ngale o kia bato aku yaaka o Yesuska.

Lukas 6:17

Dabolo de o Yesus o talaka de wouti imakomote dede Awi muri-muri de kagena yaado o pidoka. Kagena Awi nyawa yadadala wimomote Una widamahasi, de o nyawa yadala icarawa iwidolomu o Yudea ma daera ma sigilolino, de o Yerusalemno, komagena lo o doku Tirus de o doku Sidon o teo ma dateno.

Lukas 9:18

Ma moiku o Yesus kanaga wosumbayang womatengoka, de Awi muri-muri yahino Unaka, de Una wasano onaka, “Nako o nyawa gena ona itemo, Ngohi manena naguuna.”

Lukas 9:28

O Yesus wodoto komagena so o nahadi moi ipasaka, de wangaho Awi muri yaruwange, ena gena o Petrus, de o Yohanes, de o Yakobus itagi imatinga o tala moi ikukuruye, la kagena wosumbayang.

Lukas 9:29

To Una Awi sumbayang ma rabaka Una Awi jamani ingali, de Awi baju idadi daare de isiru.

Yohanes 6:3

So Una de Awi muri-muri itagi idola o tala moiye, so kagena ma ngunu moi ma pidoka de ona kagena igogeku.

Kolose 4:2

Ngini nia sumbayang o Gikimoika gena bilasu upa itogu, la salalu nimasidailako ma ngale nitemo, “Ya, Jou! Igogou, Ngona gena ngomi nomiriwo sababu Ani laha ka ilamo poli!”

Ibrani 5:7

Ma orasi o Yesus kanaga o dunia manenaka, de Una wosumbayang de Awi gari-garika de womatoore wogolo o Gikimoika. Una wanakoka o Gikimoi de Awi kuasa aku o soneno wipalako, duma Una lo Awi dupa masirete gena wamotewa de wosigise ka o Gikimoi Awi dupa. Komagena so o Gikimoi asa Una Awi gogolo gena woise.