Lukas 6:11 - O GIKIMOI AWI JAJI ma BUKU

¹¹ Kagena de o bi Farisika de lo o bi guru agama ona magena igogou yatoosa bai! So ona itagi imatekefakati, la ma ngale o kia bato aku yaaka o Yesuska.

Lukas 6:11 Iomraidhean Croise

Matius 16:7

Kagena de o muri-muri imatekebicara moi de moika, de itemo, “Una wotemo komagena sababu to ngone nanga roti ihiwa.”

Matius 21:45

Ma orasi o imamka ma bi sahe de lo o Farisika ma nyawa to Una Awi ade-ade gena yoise, de ona yanako Una wasimeta onaka.

Lukas 4:28

O Yesus Awi demo magena yoiseka, de yangodu o puji ma tahu ma rabaka gena asa foloi yongamo.

Lukas 6:10

So kagena de Una womaginano ona yangoduka, de wotemo o nyawa awi gia ma sononga isosoneka gena, “Ani gia natoano.” De una awi gia watoa, de o orasi magena dabolo awi gia gena dalohaka.

Lukas 6:12

O orasi magena o Yesus o tala moiye wodola la ma ngale wosumbayang, so kagena o putu moi wapasiku wosumbayang o Gikimoika.

Yohanes 11:47

So o Farisika ma nyawa magena ona yoise, de ona de o imamka ma bi sahe imakaaso la imatolomu o Mahkamah Agama yaaka. So ona yangodu imatolomuno de imatekekaaturu itemo, “Powidodooha. O nyawa Una magena o nonako ihahairani he idala waakaka.

Yohanes 7:1

O Yesus o Yudea ma tonaka wogoge kawa, sababu kanaga o Yahudika manga roriri yamuruo naga manga edekati itemo Una iwitooma. So daboloka, Una asa wotagi wahika de wahino o Galilea ma tonaka wakokiloli.

Rasul 26:11

De lo kanaga o bi puji ma tahuka o bi nyawa ipipiricaya ngohi tasisangisara. Taaka komagena ma ngale ona imadosu la o Yesus iwipiricaya kawa. De ngohi ifoloisi talawangi ona, sidago lo totagi tasangisara o bi nyawa o Yahudika yasowo manga dokuka.

Rasul 4:15

So kagena de ona yasulo o Petrus de o Yohanes isupu o Mahkamah Agama ma rihono, la ma ngale ona imatekefakati.

Rasul 4:19

Duma o Petrus de o Yohanes isango itemo, “Ngini masirete niahiri kasi o kia itero o Gikimoi Awi simaka: Pinisigise nginika eko bilasu powisigise o Gikimoika.

Rasul 5:33

Ma orasi o Mahkamah Agama ma nyawa iise to ona manga demo magena, de ona ifoloi yatoosa so imatekefakati la tanu o bi rasulka magena yatooma.

Rasul 7:54

La komagena o Mahkamah Agama o Stefanus awi bicara magena yoise, de ona foloi yatoosa.

2 Timotius 3:9

Ngaroko komagena, duma to ona manga manara datotorou magena yaakuwa isigila-gila, sababu o bi nyawa he yangodu yanakoka igogou o nyawa datotorou maro ona magena igogou ifuma. Maro kanaga o nyawa yanako idomaka igogou o Yanes de o Yambres ona magena o nyawa ifufuma.