Lukas 5:8 - O GIKIMOI AWI JAJI ma BUKU

⁸ Magena o Simon Petrus wakelelo, de gila-gila una wobukuku o Yesus Awi simaka de wotemo, “Jou, noidongosa ngohi! Sababu ngohi o nyawa ma dorou!”

Lukas 5:8 Iomraidhean Croise

Matius 17:6

Ato Awi muri-muri ona magena yoise, de ona asa yatodoka de yomodo imasidotirineku, sidago lo imaruba o tonaku.

Matius 2:11

Gila-gila o nyawa icocawaro ona magena iwosa o tahu ma rabaka, de wikelelo o ngopa Una magena ma awa mowitotino. Kagena de ona ibukuku de manga suba yatide Unaka. Dabolo de manga borua yapelenga so o guraci, o manyanyi, de o bi gososo dabobou gena iwihike maro idadi manga suba ma nonako moi Unaka.

Matius 8:8

Ma kapita gena wosango, “Baba, ngaroko upa bai! Ngohi manena o Yahudika ma nyawa isowo, de Ani simaka gena o kia lo waali idahe so idadiwa ai tahuka toningaho. Nakoso daloha, tanu hitilahi Ngona nopareta ka o demo o dola moi de ai leleani gena asa wilohaka.

Lukas 5:7

So manga dodiao o deru ma somoaka gena, ona imagaso la ona magena yahino imakiriwo. So igogou ona yahino de o deru sinoto gena o nao isingado iwedo-wedo sidago o deru magena he dangade dalutu.

Lukas 5:9

Awi demo komagena, sababu una de lo awi dodiao ona yangodu yosawangi yakelelo o nao ma dala komagena de yamake.

Yohanes 11:32

Ma orasi mononongoru momasidiado kagena o Yesuska, de muna mogila-gila to Una Awi simaka momabukuku de motemo, “Jou, nakoso Ngona lo kanena, nagala mia hira gena wosonewa.”

1 Korintus 13:12

O orasi manenaka o kia naga ngone pakokelelo gena imatero maro o nyawa moi kanaga awi bio o kasinangaka wanano duma damarasa. Duma o orasi ma simaka ngone done asa pakelelo itiai, imatero maro o nyawa imarisimano so imatekekelelo. O orasi manenaka o kia naga ngohi tanako gena de ma bati so daasu-asu waasi, duma o orasi ma simaka done ngohi asa o bi moi-moi dangodu tanako igogou, imatero maro o Gikimoi ngohi woinako igogouka.

Gogelelo 1:17

So ma orasi Una ngohi towikelelo, de ngohi asa tobukuku de tosuba to Una Awi simaka, tobicara taakuwa de tomomi lo taakuwa koloko o nyawa isosone. Kagena de Una Awi gia ma girina wahado ngohiku, de wotemo, “Ngohi manena o oho ma nonomaka de lo ma dodoguka asa ka tooho sidutu ikakali. Sababu Ngohi lo Una Woooho so ngaroko idoma tosoneka, duma Ngohi gena asa tooho ka sidutu ikakali. Ngohi tapareta o sone ma buturu de lo o nyawa manga sone ma orasi. Komagena so, ngaroko, ngona upa nimodo.