Lukas 5:12 - O GIKIMOI AWI JAJI ma BUKU

¹² Ma moiku de o Yesus kanaga o doku moika, de o nyawa moi wipapado, awi rohe yapasiku, una magena iwimakeka, de wobukuku wosuba de wotemo, “Baba, nako nomode, de igogou aku noisiloha.”

Lukas 5:12 Iomraidhean Croise

Dodadi 18:14

Ngohi manena o Jou de kanaga o kia naga moi lo akuwa nitemo taaka taakuwa. O taungu ma simaka, de Ngohi asa tahino kali, de o orasi magegena done asa ani pedeka ongo Sara o ngopa yanau moi mowisibuo.”

Matius 26:6

Ma orasi o Yesus o Betania ma dokuka, de Una wotagi o Simon awi tahuka, una magena idodoma wipapado.

Matius 9:28

De Una womawoma o tahuka, de manga lako ipipilo yasinoto ona magena yahino Unano. De Una wosano wotemo onaka, “So, idodooha Ngohi de Ai kuasa la tinisiloloha gena ngini nipiricaya.” Ona itemo, “Iya, Jou! Miagogou Ngona minipiricaya.”

Markus 5:23

de wogolo ifoloi Unaka, “Baba, ai ngopa o ngopedeka moi tomisiboboso ami siri datubuso poli. Tanu nahino noimote de hiti nomipada, la ami siri datotubuso magenena itogu la upa mosone.”

Lukas 17:16

De o Yesus iwimake, de una magena he o Samaria ma nyawa moi duma wobukuku wosuba, de awi sukuru watide Unaka.

Lukas 5:13

Magena de o Yesus Awi gia watoa de una magena, ngaroko wipapado, duma awi roheka wapada, de wotemo, “Ngohi tomode, so nilohaka bato.” So o orasi magena dabolo de una wilohaka so he wipado kawa.

Ibrani 7:25

Mutuwade Una de Awi kuasa aku o soneno ngone wonapalako de lo Awi laha wonahihike gena asa ikurangiwa, nakoso ngone kanaga Una powipiricaya so pomasidate o Gikimoika. Sababu Una wooho ka sidutu ikakali la ma ngale ngone gena wonasigolo o Gikimoika.