Lukas 5:11 - O GIKIMOI AWI JAJI ma BUKU

¹¹ Dabolo de gila-gila ona manga deru yalia o dowongisa, de manga moi-moi ona yodongosa de ona yaruwange o Yesus iwimoteka.

Lukas 5:11 Iomraidhean Croise

Matius 10:37

O nyawa nagoona manga baba eko manga awa yasiboso ifoloi dede Ngohi isiboso, ona magena idadiwa to Ngohi Ai nyawa imomote. Komagena lo nagoona manga ngopa yasiboso ifoloi de Ngohi isiboso, ona magena idadiwa to Ngohi Ai nyawa imomote.

Matius 19:27

De o Petrus wotemo, “He! Ngomi manena mia moi-moi lo dangodu miodongosaka so Ngona minimoteka, so o kia asa miamake.”

Matius 19:29

De o nyawa nagoona manga tahu yodongosaka, eko manga gianongoru de manga awabira, eko manga awa de manga baba, eko manga ngopa-ngopa eko lo manga doro sababu ma ngale Ngohi, ona magena asa yamake ma giliho sidago ma para o ratu moi de lo yamake o oho daloloha de ikokakali.

Matius 4:20

Gila-gila ona manga soma yodongosaka, so asa itagi Una iwimoteka.

Matius 4:22

so gila-gila ona manga baba de manga deru yodongosa de asa Una iwimoteka.

Markus 10:21

O Yesus iwitailako o nyawa una magena, de wigalusiri so wotemo, “Cawali o ngai moisi naaka waasi. Notagi kasi la ani kia bato nosiija de ma pipi o nyawa isususaka nasitoku, la ngona asa namake o arata ma duhutu o sorogaka. Daboloka, de nahino la noimote Ngohi.”

Lukas 5:28

Gila-gila o Lewi womaoko, de awi moi-moi dangodu wodongosa de wotagi o Yesus iwimoteka.