Lukas 4:8 - O GIKIMOI AWI JAJI ma BUKU

⁸ Magena de o Yesus wotemo, “Kanaga o Bukuka isilefoka, ‘Bilasu nowisuba nanga Jou Gikimoika de cawali ka Una nowileleani.’ ”

Lukas 4:8 Iomraidhean Croise

Matius 16:23

Duma womatodoka o Yesus womakiliho de o Petruska wisidapano wotemo, “He! Iblis, noloda! Ngona gena asa Ngohi noisifafati. Ani sininga magena imaterowa de o Gikimoi Awi sininga, duma ani sininga gena ka o nyawa ma sininga.”

Matius 4:10

Magena de o Yesus wotemo, “Hiwa, Iblis! Ngosoku ma deda noloda. Sababu kanaga o Bukuka isilefoka, ‘Bilasu nowisuba nanga Jou Gikimoika de cawali Una nowileleani.’ ”

Lukas 4:4

Duma Una wosango wotemo, “Kanaga o Gikimoi Awi Jaji ma Bukuka isilefoka, ‘Nako o bi nyawa gena upa ka cawali o ino so ioho.’ ”

Lukas 4:7

So o orasi manena bato ngohi asa dangodu magena tonihike Ngonaka, hitilahi nobukuku de nosuba ngohika.”

Yakobus 4:7

La komagena ngini bilasu niwisigise de niwimote o Gikimoika. So ngini bilasu o Iblis niwiholu de una asa ngini winidongosaka.

1 Petrus 5:9

Duma una magena bilasu niwiholu de ka o Gikimoi niwipiricaya de niwisigise daputuru, sababu ngini nianako maro komagena ngini nia dodiao ipipiricaya ona yangodu lo yasangisara o dunia manena ma rabaka.

Gogelelo 19:10

So kagena de ngohi asa to una awi simaka tobukuku la ai suba tatide unaka. Duma una wosibicara wotemo ngohika, “Upa! Ngohi gena ka to ngini nia dodiao moi o Gikimoi Awi sosulo, imatero maro ngona de lo ani dodiao ona o habari ma ngale o Yesus Kristus yosihohabari. So tanu ka o Gikimoi Una magenaka asa ngona nosuba. Sababu o bi nabi ona yangodu lo, bai o orasi manena bai o orasi ipapasaka, ma ngale o Yesus Awi dodoto itotiai gena yosingangasu daboloka.”

Gogelelo 22:9

Duma una wosibicara ngohika wotemo, “Upa! Upa ngohika nosuba, duma ka o Gikimoika nosuba. Sababu ngohi lo o Gikimoi Awi sosulo moi, imatero maro ngona de ani dodiao ipipiricaya ona o nabi-nabi de lo ona o beseso o buku manena ma rabaka yodupa yaaka.