Lukas 4:7 - O GIKIMOI AWI JAJI ma BUKU

⁷ So o orasi manena bato ngohi asa dangodu magena tonihike Ngonaka, hitilahi nobukuku de nosuba ngohika.”

Lukas 4:7 Iomraidhean Croise

Matius 2:11

Gila-gila o nyawa icocawaro ona magena iwosa o tahu ma rabaka, de wikelelo o ngopa Una magena ma awa mowitotino. Kagena de ona ibukuku de manga suba yatide Unaka. Dabolo de manga borua yapelenga so o guraci, o manyanyi, de o bi gososo dabobou gena iwihike maro idadi manga suba ma nonako moi Unaka.

Lukas 17:16

De o Yesus iwimake, de una magena he o Samaria ma nyawa moi duma wobukuku wosuba, de awi sukuru watide Unaka.

Lukas 4:6

de itemo, “O kuasa ma ngale o bi bangsa de manga kaya manena dangodu ngohi tapareta, de magena asa tonihike Ngonaka, sababu ngohi aku tahike nagoonaka o kia bato todudupa.

Lukas 4:8

Magena de o Yesus wotemo, “Kanaga o Bukuka isilefoka, ‘Bilasu nowisuba nanga Jou Gikimoika de cawali ka Una nowileleani.’ ”

Lukas 8:28

Masoa-masoa o toka magena una iwikuasa de ngaroko awi gia de awi dohu yarateka de salalu wijajaga, duma una awi bobiliku lo watola-tolaka, de woloda o riho moika womatingaka, sababu de awi toka ma buturu so una iwingaho. Kagena o sone ma diaruno de una wikokitoka wosupu de o Yesus wikelelo, de una wobukuku o Yesus Awi simaka. So o Yesus wosulo la to una awi toka magena isupu unano. Magena de o nyawa una magena asa womatoore de wotemo, “Yesus, o Gikimoi Wikukuruye ma Ngopa, noidooha ngohika! Togolo, kodo, upa noisangisara!”

Gogelelo 22:8

Ngohi manena, Yohanes, o bi moi-moi idomaka gena dangodu toiseka de lo takeleloka. Toiseka, de o malaikat woisikokeleloka una magena awi simaka gena ngohi todupa tomabukuku ai suba tatide unaka.

Gogelelo 4:10

De kanaga o roriri yamonahalo de yaruha gena Una woooho ka sidutu ikakali Awi simaka imabukuku de manga suba yatide Unaka. De kagena Awi pareta ma kursi ma simaka manga mahkota isipakaka la yatagali to ona manga giliri masirete gena dangodu iwihike Unaka, de itemo,

Gogelelo 5:8

So ma orasi o Duba ma Goho magena wadehe de Awi simaka o dodadi ngai iha de o roriri yamonahalo de yaruha ona magena asa imabukuku de manga suba yatide Unaka. O roriri moi-moi gena yacohono o kecapi de lo o udo-udo o guracino de ma raba gena iwedo de o manyanyi, ena gena o Gikimoi Awi nyawa yatide manga sumbayang Unaka.