Lukas 4:5 - O GIKIMOI AWI JAJI ma BUKU

⁵ Kagena de o Iblis iwingaho kali o riho moi ikukuru-kuruye, so ma dokuka de imatodoka wisikelelo o dunia ma bi bangsa dangodu Unaka,

Lukas 4:5 Iomraidhean Croise

Matius 24:14

Duma o dunia ma dodogu yaado waasi, de o habari daloloha o Gikimoino gena bilasu isihabari kasi sidago o dunia ma pupuku ihaka, la o bi doku yangodu lo aku yoiseka. Dabolo de o dunia ma dodogu asa imasidiado.”

Matius 4:8

Kagena de o Iblis iwingaho kali o tala moi ikukuru-kuruye, so ma dokuka de wisikelelo o dunia ma bi bangsa dangodu ma loha de ma kaya Unaka,

1 Korintus 15:52

Magena asa inasitodokano idadi, ma deka gena maro nanga lako itawi ka ma moi, de ma orasi o dunia ma dodoguka o Gikimoi Awi trompet yawuwu. Sababu o trompet magena yawuwuka, de isosone asa yasioho kali de o rohe kiaka ibaka kawa, so aku ioho ka sidutu ikakali. De ngone la kanaga poohosi nanga rohe asa inatagali.

1 Korintus 7:31

De o nyawa la kanaga isidogosa manga oho o dunia manenaka yasari, ona magena bilasu upa yosininga cawali manga oho magena. Sababu itekawa de o dunia o orasi manena asa isisa.

2 Korintus 4:17

Sababu o sangisara o orasi manena o duniaka ngomi miamamake, magena ka dagoguui de lo itekawa. De ma ngale ngomi o sangisara magena miamoku, so asa idadi ngomi gena miamake o oho daloloha de ka sidutu ikakali. Nako o oho magena de o sangisara ngomi miamamake, o oho o orasi ma simaka gena asa foloisi ilamo de lo daloha icarawa.

Efesus 2:2

O orasi magenaka ngini o wange isigeto-geto niamote o ngeko datotorou gena maro de o nyawa o Gikimoi wihoholu so o dorou yodupa yaaka, ena gena kanaga ngini lo niaaka o Iblis awi dupa. O Iblis gena o kuasa datotorou o ngawa-ngawaka wapopareta, de lo sidago o orasi manena nagasi o nyawa o Gikimoi wisigogiisewa to ona manga siningaka womanara.

Efesus 6:12

Sababu ngone nanga kudoti ma rabaka gena o nyawa pasiholuwa. Duma ngone posiholu o kuasa moi-moi datotorou de ipopareta o ngawa-ngawaka gena o bi kuasa ma jako dangodu, koloko o toka, de o gurumi datotorou, de lo o kia bato o Gikimoi wihoholu.