Lukas 4:23 - O GIKIMOI AWI JAJI ma BUKU

²³ Magena de Una wotemo onaka, “Igogou, done asa ngini ma binuka nisitemo o ade-ade manena Ngohika, ‘He, dokter! Hika Ani rohe masirete gena nosiloha kasi. Nakoso igogou Ngona o nabi moi, de Ngona lo kanena Ani doku masireteka naaka o nonako ihahairani, kiaka miiiseka naaka daboloka o Kapernaumka.’

Lukas 4:23 Iomraidhean Croise

Matius 13:54

so wotagi to Una Awi soa de Awi dokuka. Kagena de Una wotagi wodoto o puji ma tahuka, de o Nazaret ma nyawa magena yohairani so itemo, “Nagoona widoto so to Una Awi pade de Awi cawaro maro komagena. De to Una Awi kuasa kiano wamake, so aku waaka o nonako ihahairani.

Matius 4:13

So o Nazaret ma doku wodongosa de wokahika o Zebulon de o Naftali ma daeraka o Galilea ma talaga ma dateka, so wogoge o Kapernaum ma dokuka.

Matius 4:23

Dabolo de o Yesus o Galilea ma bi doku wakiloli so wahika manga puji ma bi tahuka wodoto de o habari daloloha wosihabari ma ngale o Gikimoi asa wopareta. De lo o nyawa yasisiri de yopopanyake gena yangodu wasiloha.

Markus 6:1

O Yesus de Awi muri-muri imajobo so itagi to Una Awi soa de Awi dokuka.

Lukas 2:39

O Yusuf de ongo Maria ona magena manga manara o Jou Awi bobita moi-moi isilelefo gena dangodu yaaka daboloka, de ona iliho o Nazaret ma dokuka o Galilea ma tonaka.

Lukas 2:51

Dabolo de ona iliho imakangaho manga doku o Nazaretka, de igogou Una wasigise daloha ma awa de ma babaka. O moi-moi idadadika dangodu magena ma awa ami sininga ma rabaka madiahika.

Lukas 4:16

O Yesus wotagi to Una Awi soa de Awi doku o Nazaretka. Kagena de, maro ma biasa to Una Awi manara ma rabaka, so o Sabat ma wangeka Una wotagi wowosa o puji ma tahuka. Kagena de Una womaokoye la o Gikimoi Awi Jaji ma Buku wabaca,

Lukas 4:31

Dabolo de o Yesus wokahika o Kapernaum ma dokuka o Galilea ma tonaka. Kagena womasidiado gena o Sabat ma wangeka Una o puji ma tahuka wodoto.

Lukas 4:35

Kagena de o Yesus wodogore o toka magenaka wotemo, “Nomapopongo de nosupu o nyawa una manenano!” Kagena de o toka magena datoosa so o nyawa magena iwisipaka yadadala manga sidongirabaku, de o nyawa una magenano isupu duma iwidoohawa.

Lukas 6:42

Idodooha so ngini nitemo nia dodiaoka, ‘Nahino la ngohi o gaapo ani lakono tosisupu,’ duma kanaga lo maro o ifa moi yodebesu to ngini nia lako masireteka. He! Ngini manena nikokulai! Ma nonomaka ngini bilasu o ifa moi yodebesu to ngini nia lako masireteka nisisupu kasi. Dabolo la nia lako asa datebika, de asa idadi so o gaapo nia dodiao manga lakoka gena aku niakelelo so nisisupu kali.”

Yohanes 4:28

So o ngopedeka magena ami ake ma ember he matotota kawa, de ka modongosaka de moliho mokahika o dokuka, de o bi nyawa kagena masigaro

2 Korintus 5:16

So ngomi gena de o dunia ma nyawa manga duduga magena miapake kawa. Maro komagena ipapasaka, ma moiku de ma Kristus gena ngomi miwituga de o dunia ma nyawa manga duduga, duma o orasi manena miapake kawa.