Lukas 4:2 - O GIKIMOI AWI JAJI ma BUKU

² O orasi magena ma deka o putu moruha de o wange moruha o Yesus kagena wogogeku, de o Iblis iwibaja la ma ngale o dorouku wisitura. O orasi magena ma deka o putu moruha de o wange moruha woodowa de woudowa, so dabolo Una wisapika.

Lukas 4:2 Iomraidhean Croise

Dodadi 3:15

Komagena Ngohi tinisikadanggutu ngona de o ngopedeka muna manena, ngona de muna nia ngopa de lo nia danoku. So to ngona ani ngopa de ani dano asa manga sahe yapiropu de to muna ami ngopa de ami dano asa manga tutuweneka yatudu.”

Matius 21:18

Ma goginitano ma orasi o Yesus de Awi muri-muri iliho kali o Yerusalemka, so yahika ma soaka de Una wamalo wisapi.

Matius 4:2

O orasi magena o Yesus gena ma deka o putu moruha de o wange moruha woodowa de woudowa, so dabolo Una wisapika.

Lukas 4:3

So kagena de o Iblis iwibaja de itemo Unaka, “Ngona gena igogou o Gikimoi Awi Ngopa. So hika o bi teto manena nasulo la imadadi o roti la aku naodo.”

Ibrani 2:18

Komagena la kanaga o nyawa yababaja gena Una aku wariwo, sababu Una masirete lo wibaja idomaka ma orasi Una wisangisara.

Ibrani 4:15

Sababu igogou, nanga Imam Wilalamo manena ma ngale ngone nanga buturu ikurangi gena waaku wamalo. Wamaloka, sababu maro o tailako ma bi ngeko moi-moi gena dangodu inadahe ngoneka, komagena lo Unaka o tailako ma ngeko magena lo asa iwidahe daboloka, duma Una ka o dorou moi lo waakawa.