Lukas 4:13 - O GIKIMOI AWI JAJI ma BUKU

¹³ O Iblis magena de o baja dangodu magena o Yesus iwibaja dabolo, de gila-gila woloda de wotamaha done o orasi daloloha moili.

Lukas 4:13 Iomraidhean Croise

Matius 4:11

Gila-gila o Iblis magena iloda so o Yesus widongosaku, de imatodoka o bi malaikat yahino so asa Una iwileleanika.

Lukas 4:12

So o Yesus wosango wotemo, “Kanagasi o Bukuka isilefoli komanena, ‘Ani Jou Gikimoi gena upa nowidahake.’ ”

Lukas 4:14

Dabolo de o Yesus de o Gurumi Datetebi magena ma kuasa wipareta so woliho wahika o Galilea ma tonaka. O Galilea ma sigilolino o habari ma ngale Una gena o bi nyawa yogiise de yanako.

Yohanes 14:30

So iteka kawa, Ngohi aku o bi moi-moi ngini tinidoto de tinisingangasu kali. Sababu nako o dunia ma bi nyawa o Gikimoi wihoholu ona gena, ma orasi he yaadoka la kanaga una ona wapopareta, ena gena o Iblis, he womasidiadoka. De una magena waakuwa Ngohi woipareta.

Ibrani 4:15

Sababu igogou, nanga Imam Wilalamo manena ma ngale ngone nanga buturu ikurangi gena waaku wamalo. Wamaloka, sababu maro o tailako ma bi ngeko moi-moi gena dangodu inadahe ngoneka, komagena lo Unaka o tailako ma ngeko magena lo asa iwidahe daboloka, duma Una ka o dorou moi lo waakawa.

Yakobus 4:7

La komagena ngini bilasu niwisigise de niwimote o Gikimoika. So ngini bilasu o Iblis niwiholu de una asa ngini winidongosaka.