Lukas 3:9 - O GIKIMOI AWI JAJI ma BUKU

⁹ O orasi manena naga o Gikimoi wosidailako daboloka, la o nyawa nagoona imatoba de imatodubawa, ona magena asa wasisangisara de o narakaku waumo. Gena maro o bi basu kanaga isidailako de ihadoku o gota ma hutu ma golaka eko ma ngutuka, so o bi gota la ma sopo datotorou gena igogou done asa yatoda de yaumo o uku isosora-sora ma rabaku.”

Lukas 3:9 Iomraidhean Croise

Matius 3:10

O orasi manena naga o Gikimoi wosidailako daboloka, la o nyawa nagoona imatoba de imatodubawa, ona magena asa wasisangisara de o narakaku waumo. Gena maro o bi basu kanaga isidailako de ihadoku o gota ma hutu ma golaka eko ma ngutuka, so o bi gota la ma sopo datotorou gena igogou done asa yatoda de yaumo o uku isosora-sora ma rabaku.

Matius 7:19

O bi gota la ma sopo datotorou gena igogou done asa yatoda de yaumo o uku isosora-sora ma rabaku. So komagena lo igogou o Gikimoi asa o bi nabi ikokulai gena wasangisara.

Lukas 13:6

Dabolo de o Yesus wajarita onaka o ade-ade moi, wotemo komanena, “O nyawa moi awi doro ma rabaka gena kanaga o ara o hutu moi. Ma moiku una wahika la o ara magena ma sopo wanano, duma ma sopo moi lo ihiwa so wamakewa.

Lukas 13:7

So wotemo awi doro ma nyawa wapapaliharaka, ‘Nananosi bai! Ma deka o taungu saange ngohi tahino tasari o ara ma hutu ma sopo, duma ma sopo ihiwa so moi lo tamakewa. Lebelaha natodaka bato! Ilaha! O ara magena hitilahi o tona ma sasaki yamata.’

Lukas 13:9

Nagala o taungu ma simaka pongongano done asa isopo. Nako isopo iholu, de asa patoda.’ ”

Yohanes 15:6

De nakoso o nyawa la kanaga yomakitingaka dede Ngohi, de yogogewa o rimoi ma rabaka dede Ngohi, ona magena manga sopo ihiwa de ona magegena maro o uma yaotoka, de yaumo so asa damalai. O uma maro komagena yatolomu so o ukuka yaumo de yatupuka.

Ibrani 10:28

Sababu o nyawa la kanaga idodomaka o bobita o Musa wosilelefo gena yaholu, de asa ona magena yatoomaka, de lo o galusiri he ihiwaka, hitilahi o saksi yasinoto eko yaruwange kanaga ma ngale ona gena manga demo magena imaketero.

Ibrani 12:29

Sababu igogou o Gikimoi powisusuba, Una magena asa o nyawa ona Awi laha yahoholu gena wasangisara, imatero maro o uku la kanaga o bi moi-moi dangodu yatupu.