Lukas 3:8 - O GIKIMOI AWI JAJI ma BUKU

⁸ Hika nia sopo nisimane kasi, imatero de nia dorou dangodu niapalako, la aku tinipiricaya igogou ngini gena nimatoba de nimatodubaka. De upa lo nia sininga ma rabaka niatagapi de nitemo, ‘Igogou, ngomi manena o Abraham awi ngopa de awi danoku so mia dorou ma fanggali gena miamakewa.’ Komagenawa. Ngohi totemo nginika, igogou de o bi teto-teto manena bato o Gikimoi gena aku waaka o Abraham awi ngopa de awi dano so dadoohawa. Nakoso ngini nimatoba de nimatodubawa gena, bilasu Una asa winifanggali de o dorou.

Lukas 3:8 Iomraidhean Croise

Matius 21:43

De lo o Yesus wotemo, “So ma ngale ngini niholu nidehe Ngohi maro nia Salamati ma Kolano, so o Gikimoi Awi pareta ma gimina nginika magena asa warapuka de wahike o nyawaka, kiaka manga manara ma sopo itotiai so imatero de Awi nyawa masirete manga manara. [

Matius 3:8

Hika nia sopo nisimane kasi, imatero de nia dorou dangodu niapalako, la aku tinipiricaya igogou ngini gena nimatoba de nimatodubaka.

Matius 3:9

De upa lo nia sininga ma rabaka niatagapi de nitemo, ‘Igogou, ngomi manena o Abraham awi ngopa de awi danoku so mia dorou ma fanggali gena miamakewa.’ Komagenawa. Ngohi totemo nginika, igogou de o bi teto-teto manena bato o Gikimoi gena aku waaka o Abraham awi ngopa de awi dano so dadoohawa. Nakoso ngini nimatoba de nimatodubawa gena, bilasu Una asa winifanggali de o dorou.

Lukas 13:25

Done ma orasi o tahu ma duhutu womomi de wahika o ngoraka de magena waperesu, de nakoso ngini kanaga o ngora ma duduka nimaokoye, de asa ngini niaso-aso, ‘Jou, kodo! O ngora nomibelenga ngomika.’ Duma una magena asa winisango wotemo, ‘Igogou, ma ngale ngini gena kiano ngohi tininakowa.’

Lukas 13:26

De ngini asa nitemo unaka, ‘We! Ngomi idomaka miodo de miudo dede ngona, de lo ngona gena mia dokuka nodotoka bai!’

Lukas 14:9

Nako komagena, de o tahu ma duhutu asa wahino de wotemo nginika, ‘Upa ani sininga ikurangi, o riho manena isidailakoka ma ngale pahike yakokoro ona magena.’ So de nia madeka asa ngini nituluru ma duduka.

Lukas 19:40

De Una wotemo, “Hiwa! Sababu nakoso Ai nyawa imomote gena imapopongoka, de o bi teto magena lo asa imasagaga so Ngohi isigiliri bai!”

Lukas 19:9

De o Yesus wotemo, “O wange manena dabolo ngona de ani tahu ma rabaka lo ningodu o Gikimoi asa winisisalamati, sababu igogou ngona manena lo o Abraham awi ngopa de awi dano moiku.

Lukas 5:21

Duma ona gena o Farisika de o bi guru agama kanaga manga sininga ma rabaka itemo, “Wobarani bolo! Wotemo woluluguka, ‘Ani dorou tahoi.’ Ngone panako ka cawali o Gikimoi aku o dorou wahohoi, so Awi demo magenena ma meta o Gikimoi wisiceke.”

Yohanes 8:33

De ona itemo, “Asitagala! Ngomi gena o Abraham awi ngopa de awi danoku. O nyawa moi lo waasi ngomi imiaka maro to ona manga gilalo yapopareta. So ma sababu o kia, so Ngona notemo, ngaroko, idodooha naga done asa ngomi imipalako.”

Yohanes 8:39

De ona asa Una wisango, “O Abraham gena mia baba.” So Una wotemo onaka, “Nako igogou ngini gena o Abraham awi ngopa-ngopa, ngini nia manara gena bilasu itiai maro o Abraham awi manara.

Rasul 26:20

ngohi tosihabari todoma o Yahudi ma nyawa o Damsyikka igogoge, dabolo de o Yahudi ma nyawa o Yerusalemka igogoge sidago o Yudea ma daera ma sigilolika, de komagena lo o Yahudika ma bi nyawa yasowo, la bilasu manga dorou moi-moi imatoba de imatoduba de o Gikimoi wimote dabolo, de magena asa yatiai to ona manga gogoho.

Roma 4:16

La komagena so Una waaka nanga sininga itiai Unaka nakoso Una powipiricayaka, la ma ngale komagena idadi, upa sababu nanga manara ma fanggali, duma Awi dupa so maro o ngongike moi ngone wonahike. Komagena Una Awi jaji o Abrahamka gena isidumu o Abraham awi ngopa de awi dano yangoduka. So upa ka cawali o Yahudika ma nyawa, duma o nyawa ma somoa ngaroko ona o Yahudika yasowo lo manga sininga waaka itiai Unaka, nakoso ona maro o Abraham so ona lo o Gikimoi wipiricayaka. O Abraham awi piricaya o Gikimoika gena maro o ngeko moi so bilasu ngone inangodu lo pamote.

Roma 9:7

De lo o Abraham awi ngopa de awi danoku gena upa he o ngopa-ngopa yangodu magena o Gikimoi Awi nyawa masirete. Duma ma ngale Una Awi jaji o Abrahamka, so kanaga o ngopa-ngopa done idadi maro to Una Awi ngopa masirete de waeto cawali ona magena o Abraham awi ngopa de awi dano ma doduhutuku, upa o Abraham awi ngopa de awi dano yangodu. Magena maro o kia o Gikimoi wotemo, “Ka ani ngopa o Ishak, to una awi ngopa de awi danoku, ona magena asa taeto maro to ngona ani ngopa de ani dano ma duhutu.”

Filipi 1:11

Komagena o Yesus Kristus winiaka so to ngini nia sininga gena aku itiai de o moi-moi o kia itotiai gena aku niaaka la nia oho ifero, maro o bi gota ma goho so ma sopo ifoloi daloha. Ngohi tosumbayang la ma ngale o bi nyawa tanu iwisihoromati o Gikimoika de lo Awi ronga isilamo.