Lukas 3:2 - O GIKIMOI AWI JAJI ma BUKU

² Yodadi ma Imam Wilalamo o orasi magena, gena o Hanas dede o Kayafas. O taungu magena ma rabaka o Gikimoi kanaga Awi demo wosidingo o Zakharia awi ngopa o Yohaneska, una gena o tona ibobeleuka.

Lukas 3:2 Iomraidhean Croise

Matius 11:7

De o Yohanes awi nyawa wimomote magena itagi iliho, de ma ngale o Yohanes gena o Yesus wobicara o nyawa yadadalaka wotemo, “Ngini nitagi o tona ibobeleuka la o Yohanes niwimake, de ngini gena upa ma ngale niwimake o nyawa moi la kanaga wadodato so awi piricaya ma ngutu ihiwa, imatero maro o dumule o paro yawuwu so ikole hika de hino.

Matius 26:3

So o wange magegenaka o imamka ma bi sahe de o bi Yahudika manga roriri imatolomu o Kayafas ma Imam Wilalamo awi kadatoka.

Markus 1:2

O Yohanes wahino wodomano, de o demo moi wosingangasu la o bi nyawa wasidailako so o Yesus asa wahino wadoto. Maro ma nabi Yesaya awi buku ma rabaka isilefo gena, o Gikimoi wotemo Awi Ngopaka, “Una to Ngohi Ai sosulo Ngohi towisulo una asa wodomano, una magena wosidailako to Ngona Ani ngeko.

Lukas 1:80

O Zakharia awi ngopa una magena foloika wilamo, awi sininga de awi rohe ma buturu lo asa idogoli. Wilamoka, de una wogoge o tona ibobeleuka, sidago ma orasi yaado done asa una o Jou Awi demo gena wotagi wosihabari o Israel awi ngopa de awi danoka.

Yohanes 1:23

De ma ngeko komagena so o Yohanes una masirete asa wadedemo onaka wotemo, “Ngohi manena gena imatero de o nyawa una magena idomaka ma nabi Yesaya awi buku ma rabaka isilefo de itemo, ‘Kanaga o nyawa moi o tona ibobeleuka womatotoore: Hika! Ma ngale nanga Jou Awi hino gena o ngeko bilasu nisibolowo de nisitiai.’ O Yesaya awi demo ma meta gena ka ngohi manena dabolo.” Komagena o Yohanes una masirete womasingangasu onaka.

Yohanes 18:24

Kagena de o Hanas wasulo la Una wipopilikuka, de wingaho o Kayafaska, una o taungu magena wodadi manga Imam Wilalamo, la witailako kali.

Rasul 4:6

Ona imatolomuno de ma Imam Wilalamo o Hanas, de ona yaruwange yadahe to una awi gianongoru, ena gena o Kayafas, de o Yohanes, de o Aleksander de lo awi gianongoru ma binukali.