Lukas 3:11 - O GIKIMOI AWI JAJI ma BUKU

¹¹ De una wosango, “Ngini la kanaga nagoona de nia baju la ngai sinoto, gena ngai moi niahike o nyawa kiaka manga baju ihihiwaka. De lo ngini la kanaga de nia ino, hika nisitoku kiaka ona manga ino ihihiwaka.”

Lukas 3:11 Iomraidhean Croise

Matius 25:40

De ma kolano Ngohi gena asa tasango onaka, ‘Ngini tinisingangasu igogou, o kia bato niaaaka to Ngohi Ai dodiao imomote ona manenaka, ngaroko ona yacecekeka, duma de magena ma ngale lo ngini niaaka Ngohika bai!’

Lukas 11:41

Bilasu o kia naga nia udo-udo de nia lelenga ma rabaka gena niahike idoma kasi o bi nyawa isususaka, la nia sininga ma rabaka dangodu lo idadi datebi de daloha.

Lukas 18:22

O Yesus woise komagena, de wotemo, “Cawali o ngai moisi naaka waasi. Notagi kasi la ani ronga moi ani tahu ma rabaka nosiija de ma pipi o nyawa isususaka nasitoku, la ngona asa namake o arata ma duhutu o sorogaka. Daboloka, de nahino la noimote Ngohi.”

Lukas 19:8

Kagena de o Jou Yesus waado o Zakheus awi tahuka, de o Zakheus una magena womaokoye de wotemo Unaka, “Jou, to ngohi ai arata ma sononga asa ngohi tahike o bi nyawa isususaka, de lo nagoona tasihaga, so manga pipi tadeheka, asa ngohi tatagali de tosigiliho onaka sidago ma para iha.”

Yohanes 13:29

De ma sababu to ona manga manara ma pipi wisicoho unaka, so yamuruo naga imafikiri manga siningaka itemo, “Nagala una wotagi la ma ngale ngone nanga rarame ma ino woija,” de ma binuka manga siningaka itemo, “Igogou, wisulo la wotagi ma ngale o pipi o nyawa isususaka wahike.”

Rasul 10:2

Una magena de to una awi tahu ma raba moi manga sigogise daloha o Gikimoika de Unaka wodupa wisusuba. Una awi roriwo idala wahike o Yahudi ma nyawa isususaka de lo wodupa wosumbayang o Gikimoika.

Rasul 10:31

Una wotemo ngohika, ‘Kornelius! To ngona ani sumbayang o Gikimoi woiseka de ani roriwo o nyawa isususaka gena wakeleloka.

Rasul 10:4

O Kornelius womaginano o malaikat magenaka de wimodo so wotemo, “Baba, o kia naga.” O malaikat magena isango itemo, “To ngona ani sumbayang o Gikimoi woiseka de ani roriwo o nyawa isususaka gena wakeleloka, so wodupa wafanggali ngonaka.

Efesus 4:28

O nyawa itotosi bilasu upa itosi kali. Duma ona bilasu de manga gia masirete imanara ikaeli manga oho isisari, la aku o nyawa isususa lo yahike.

1 Timotius 6:17

Ngona nasulo o bi nyawa ikakaya upa ona imacaralamo, de nadoto upa lo manga kaya magenaka ona imasingongano. Sababu o nyawa lo yahiwa manga kaya ma deka gena aku yanako. Duma manga ngongano gena bilasu o Gikimoika, sababu Una de to Una Awi moi-moi wonahike dangoduka ma ngale ngone inanali.

1 Timotius 6:18

De ona lo bilasu o loha yaaka o nyawaka de manga manara idala gena ka o loha ma rehe-rehe. Ona isidailako so o kia naga onaka gena aku o nyawa yahike de manga sininga daloloha.

Ibrani 6:10

Sababu o Gikimoi o bi moi-moi dangodu igogou waaka itiai. Una asa wawosawa to ngini nia manara de lo nia dodara kiaka nisikokelelo Unaka, ma orasi idomaka sidago o orasi manena naga ngini nia dodiao o Jou Yesus wipipiricaya ona magena niariwo.

Yakobus 1:27

So nakoso o nyawa la o Gikimoi widodara, so manga moi-moi yaaaka gena igogou daloha de manga dorou moi lo ihiwa nanga Baba Gikimoi Awi simaka. So ona magegena bilasu yaaka maro komanena: Nakoso ibabalo eko o ngopa imagogoosi la kanaga ona o susa yamake, done asa ona magena yariwo. De ona lo asa imajaga, ma ngale o nyawa o Gikimoi wihoholu gena manga dorou moi lo akuwa he yososininga, upa sidago magena lo ona yaaka.

Yakobus 2:14

Ai dodiao nipipiricaya, nakoso ngini la o nyawa de yotemo, “Ngohi o Jou Yesus towipircaya dabolo,” duma ona asa o loha moi-moi o nyawaka yaakawa, de ona manga piricaya gena asa ma faida ihiwa so o Gikimoi lo woholu ona wasisalamati.

1 Yohanes 3:17

Nakoso ngone nanga sidongirabaka la kanaga o nyawa nagoona yokakaya so manga oho ma rabaka manga kia naga moi lo ma kurangi ihiwa, de ngaroko yanako manga dodiao ma Kristus wipipiricayaka kanaga moi de manga kurangi ilamo, duma ona yoholu yagalusiri de yariwo, gena igogou ona magena manga sininga ma rabaka manga dodara o Gikimoika gena ihiwa.

1 Yohanes 4:20

So nakoso o nyawa la kanaga yotemo, “Ngohi o Gikimoi towidodara,” duma to ona manga dodiao moi ma Kristus wipipiricayaka yaduhudu, ona magena ka yatodamatoko. Sababu o nyawa nagoona nakoso kanaga manga dodiao moi yakokeleloka lo yadodarawa, de idodooha o Gikimoi wikokelelo waasi de widodara.