Lukas 23:6 - O GIKIMOI AWI JAJI ma BUKU

⁶ Magena o Pilatus woise, de una wosano, “O nyawa Una manena o Galilea ma nyawa?”

Lukas 23:6 Iomraidhean Croise

Matius 26:69

Ma orasi magena de o Petrus ka womagoge kusi o lolohaka. Una womagogogeka, de kanaga o ngopedeka moi moleleleani ma Imam Wilalamoka mahino kagena, de motemo, “He! Ngona manena lo igogou o Yesus o Galilea ma nyawa Una magena nowimomote.”

Lukas 13:1

O orasi magena de o nyawa kagena iwidedemo o Yesuska, kanaga o Galileaka ma nyawa yamuruo naga ma orasi manga suba yatide o Gikimoika, de o Pilatus wasulo so ona magena yatoomaka.

Lukas 23:5

Duma ona ifoloi wigegegoli yotemo, “De Awi dodoto Una o kawasa wasigaro o Yahudika ma nyawa manga tona ma sigilolika. Ma nonomaka Una kanaga o Galileaka, duma o orasi manena Una wahino kanena.”

Lukas 23:7

Ona itemo, “Iya, Una magena o Galilea ma nyawa.” O Pilatus woise komagena, de una awi nyawa wasulo la o Yesus wingaho de witota ma Kolano Herodeska, sababu o Herodes una magena o Galilea ma tona wapopareta, de lo o orasi magena una lo kanaga o Yerusalemka.

Rasul 5:37

Magena dabolo, de o nyawa ma gegeto ma orasika, kanaga o Galileano ma nyawa moi, awi ronga o Yudas, una wononau sidago o nyawa yadala imatinga de iwisigise cawali una. Duma una lo witoomaka, de awi nyawa wimomote lo iloda ipiringaka.