Lukas 23:5 - O GIKIMOI AWI JAJI ma BUKU

⁵ Duma ona ifoloi wigegegoli yotemo, “De Awi dodoto Una o kawasa wasigaro o Yahudika ma nyawa manga tona ma sigilolika. Ma nonomaka Una kanaga o Galileaka, duma o orasi manena Una wahino kanena.”

Lukas 23:5 Iomraidhean Croise

Matius 11:1

O Yesus Awi muri yamogiowo de sinoto o siminiko wahike daboloka, kagena de womajobo so wotagi wodoto de o habari daloloha wosihabari, to ona manga doku imakokadateku wageto.

Matius 2:1

Idadi de imaaka komagena, so o Yesus wisibuo gena o Betlehem ma dokuka o Yudea ma daeraka, ma dongoho magena o Herodes wopareta maro ka o kolano moi. De kanaga lo o orasi magena o bi nyawa icocawaro nodoka o Yudea ma daera ma wange ma nyonyieka de ona magena ma soa ikukuruka, de itagi yakahino o Yerusalem ma kotano.

Matius 27:24

Ma dodoguka o Pilatus womanako una waaku kawa de ma ngeko lo he wosimake kawa, sababu yadadala gena manga galala idogo-dogo de o gangamo he isigoko. So una o ake wadehe de yadadala manga simaka awi gia watiodo de wotemo, “Ai gia tatiodo! La ngini nikelelo ngohi ai sala ihiwa ma ngale o nyawa Una manena niwitooma bai! So ka to ngini nia sala.”

Matius 4:23

Dabolo de o Yesus o Galilea ma bi doku wakiloli so wahika manga puji ma bi tahuka wodoto de o habari daloloha wosihabari ma ngale o Gikimoi asa wopareta. De lo o nyawa yasisiri de yopopanyake gena yangodu wasiloha.

Markus 1:14

So kagena de o Yohanes wibuika, dabolo de o Yesus wakahino o Galilea ma tonano, de wosihabari o Gikimoi Awi habari daloloha

Lukas 11:53

Dabolo de o Yesus womajoboka, de o orasi magena de isikahika o bi Farisi ma nyawa de lo o bi guru agama asa foloi iwilawangi de lo iwisano-sano Unaka,

Lukas 23:23

Duma ona ifoloi wigegego bilasu o Yesus iwisidasangahadi, sidago ma duuruka de ma ngale imatotoore so ma sopo magena ona aku yamake.

Lukas 23:6

Magena o Pilatus woise, de una wosano, “O nyawa Una manena o Galilea ma nyawa?”

Yohanes 1:43

De ma goginita noli, de o Yesus wositatapuka asa o Galilea ma tonaka wotagi. So womajoboka, de kanaga o nyawa moi awi ronga o Filipus wikelelo so wiaso, de witemo unaka, “Hino la tanu ngona lo noimote Ngohi.” So una lo o Yesus iwimote.

Yohanes 19:15

Duma ona asa imatoore, “Hika powisidasangahadi! Hika powisidasangahadi!” De wotemo, “Awadede! Dadoohaso bilasu towisidasangahadi to ngini nia kolano.” De o imamka ma bi sahe itemo unaka, “To ngomi mia kolano ma somoa gena wihiwa, cawali ka ma Kaisar gena kanaga.”

Yohanes 2:11

O nonako ihahairani manena o Yesus waaka o Kana ma dokuka o Galilea ma tonaka. O riho magenaka de asa to Una Awi nonako-nonako ihahairani gena wosolano waaka. Komagena Una Awi kuasa masirete asa wasimane onaka. So Awi muri-muri magena manga piricaya Unaka gena foloi idogo.

Yohanes 7:41

Kanaga ma binukali itemo, “Nagala Una gena o Salamati ma Kolano.” Duma ma binukali kanaga itemo, “Dadoohaso o Salamati ma Kolano de o Galileano ma nyawa moi.

Yohanes 7:52

Ona iholu so itemo, “Ilaha! So ngona gena o Galileaka ma nyawa? Ngaroko ngona masirete lo o Gikimoi Awi Jaji ma Buku natailakoka, duma ma rabaka ngona namakewa ma ngale Awi nabi gena o Galileano.” [

Rasul 10:37

Ngini nianakoka ma orasi o Yohanes una o osi ma habari wosihabari dabolo, de isolano o Galilea ma daeraka sidago o Yudea ma bi doku ma sigilolika o Yesus o nonako ihahairani waaka.

Rasul 23:10

So kagena de foloisi ona imatekekangamo sidago ma kapita una lo wohawateri upa sidago o nyawa yadadala o Paulus iwiritau. Ma sababu komagena ma kapita wosulo awi prajurit la itagi o Paulus iwidehe de wisisupu o mahkamah ma nyawa manga sidongirabano, la iwingaho wisigiliho o prajurit manga tahuka.

Rasul 5:33

Ma orasi o Mahkamah Agama ma nyawa iise to ona manga demo magena, de ona ifoloi yatoosa so imatekefakati la tanu o bi rasulka magena yatooma.

Rasul 7:54

La komagena o Mahkamah Agama o Stefanus awi bicara magena yoise, de ona foloi yatoosa.

Rasul 7:57

Kagena de o Mahkamah Agama ona magena imanere de manga ngau yapoku la iise kawa, de gila-gila ona imatekerimoi iwidogogora unaka,