Lukas 23:2 - O GIKIMOI AWI JAJI ma BUKU

² Kagena imasidiadoka, de ona iwikalaki Unaka yotemo, “O nyawa Una manena ngomi miwimake o kawasa wasigaro la o ngeko dasosowo yamote. Wotemo upa o balastengi pofangu ma Kolano Wilalamo ma Kaisarka, de lo wotemo Una masirete gena ma Kristus, ena gena o kolano moi.”

Lukas 23:2 Iomraidhean Croise

Matius 17:27

Ngaroko komagena, duma lebelaha ngone pofangu, la ma ngale o balastengi itotolomu ona magena manga sininga upa ikurangi ngoneka. So notagi o talagaka, la nototobe kasi. De o nao ma nonoma la naliaka gena nadehe. Kagena naga ma uru ma rabaka, kiaka to ngone nasinoto nanga balastengi ma fangu yaaadoka. O pipi magena nadehe la notagi de nosifangu o Gikimoi Awi Tahu ma balastengi.”

Matius 22:21

De ona yosango itemo, “To ma Kaisar awi dulada de awi lefo.” Kagena de Una wotemo, “So o kia naga la igogou to ma Kaisar gena bilasu niahike ma Kaisarka, de o kia naga la igogou to Gikimoi magena bilasu niahike o Gikimoika.”

Matius 27:11

So o Yesus witota ma Gubernur Pilatuska, de o Pilatus wisano Unaka, “So igogou Ngona manena o Yahudika manga kolano?” De Una wotemo, “Iteroka, maro o kia ngona notetemoka.”

Markus 12:17

Kagena de Una wotemo, “So o kia naga la igogou to ma Kaisar gena bilasu niahike ma Kaisarka, de o kia naga la igogou to Gikimoi magena bilasu niahike o Gikimoika.” Magena de to Una Awi demo magena yoise dabolo de ona yangodu yohairani.

Markus 15:2

So kagena de o Pilatus wisano Unaka, “So igogou Ngona manena o Yahudika manga kolano?” De Una wotemo, “Iteroka, maro o kia ngona notetemoka.”

Lukas 23:14

so wotemo onaka, “Ngini o nyawa Una manena niwingaho ngohika, de nitemo Una o kawasa wasigaro la o ngeko dasosowo yamote. O orasi manena to ngini nia simaka ngohi Una towitailako, duma ngohi gena Awi sala moi lo tamakewa maro kia ngini niwikokalakika.

Lukas 23:5

Duma ona ifoloi wigegegoli yotemo, “De Awi dodoto Una o kawasa wasigaro o Yahudika ma nyawa manga tona ma sigilolika. Ma nonomaka Una kanaga o Galileaka, duma o orasi manena Una wahino kanena.”

Yohanes 18:29

So ma gubernur o Pilatus una magena o kadato ma duduka wosupu de ona magenaka wotemo, “So ngini nitemo o nyawa Una manena gena Awi sala o kia.”

Yohanes 18:30

De ona itemo, “Pei! Baba, nakoso Una Awi sala ihiwa, de upa lo miwingaho ngonaka.”

Yohanes 19:12

O Yesus Awi demo komagena, so ma gubernur magena asa awi siningaka wotemo, “Bilasu Una towipalako.” So wosupu kali, duma o Yahudika manga roriri magena ka iwidotoore isidadu-dadu itemo, “Igogou! Nakoso o nyawa manena nowipalako, ngona gena nisowo ma Kolano Wilalamo ma Kaisar awi dodiao. Sababu ngona nanakoka, nakoso o nyawa moi kanaga wotemo una gena o kolano moi, de awi demo magena igogou una ma Kaisar iwilawangi.”

Rasul 24:13

So ma ngale to ona manga galaki moi-moi ngohika magena iterowa, so patotiai ona yaakuwa isidiado ngonaka.

Rasul 24:5

Mia baba Gubernur, ngomi masirete mianako o nyawa una manena he ma para ma dala o ruwahe waaka. Ena gena, de ka to una awi manara so o Yahudika ma nyawa o bi bangsa o dunia ma sigilolika una manena o gangamo wosigogoko, de foloisi lo kanaga o nyawa moi o Nazaretka ma bi nyawa iwipipiricaya de una manena lo to ona manga sahe.

Roma 13:7

So o kia kanaga de nia nagi nia bobaretaka gena bilasu onaka niafangu, bai o pajak bai lo o horomati magena dangodu kanaga nia nagi so bilasu niafangu onaka.