Lukas 21:10 - O GIKIMOI AWI JAJI ma BUKU

¹⁰ Kagena de Una wosingangasu wotemo, “O bangsa moi yasaturu o bangsa ma somoa, o kolano moi asa yakudoti o kolano ma somoa.

Lukas 21:10 Iomraidhean Croise

Markus 13:8

O bangsa moi yasaturu o bangsa ma somoa, o kolano moi asa yakudoti o kolano ma somoa. Kiaka o dunia ma dokuka asa idadi kiaka bato o osu de o diwotu, de lo o bare so o ino asa ihiwa. Dangodu magena asa ka o bi sangisara ma nonomaka bato, koloko o ngopedeka moi mitotilibu de ami siri ma nonomaka so matamaha ma orasi muna he mopuo.

Lukas 21:11

Kiaka o dunia ma dokuka asa idadi o osu de o diwotu de lo kiaka bato o bare so o ino asa ihiwa de lo o panyake datotubuso. De o dipaka lo asa idadi o bi nonako pomomodo ma bio idala.

Lukas 21:9

So nakoso niise o habari ma ngale o kudoti de lo o gangamo isigoko gena, upa lo nimodo. O moi-moi magena bilasu idadi idoma, duma upa nitemo magena o dunia ma dodogu ma orasi imasidiadoka.”

Rasul 11:28

To ona manga sidongirabano o nyawa moi awi ronga o Agabus womaokoye, dede o Gurumi Datetebi Awi kuasa una wosingangasu wotemo, ma orasi he idumuka done o dunia ma dokuka o bare asa imasidiado so o ino ihiwa. (O bare magena lo idadi ma orasi o Kladius wokolano.)

Ibrani 12:27

O demo “ma moili” gena ma ngale o bi moi-moi wosidadadika magena o wange moiku asa wahiti de lo wasisa. So cawali o bi kia naga kiaka yaakuwa yahiti magena asa kanaga ka sidutu ikakali.