Lukas 20:6 - O GIKIMOI AWI JAJI ma BUKU

⁶ Duma isusali nako potemo de o haku o nyawano, upa sidago o nyawa yadadala de o bi teto gena ngone inasipapaka, sababu ona itemo o Yohanes una magena o nabi moi.”

Lukas 20:6 Iomraidhean Croise

Matius 11:9

So ngini nitagi o tona ibobeleuka la niadupa igogou o nabi moi niwikelelo. De ma boboloi, o Yohanes gena foloili wolamo de o nabi moi.

Matius 14:5

Igogou, o Herodes wodupa o Yohanes gena witooma, duma o nyawa yadadala gena wamodo, sababu ona itemo o Yohanes gena o nabi moi.

Matius 21:26

Duma isusali nako potemo de o haku o nyawano, ngone pamodo poli upa sidago o nyawa yadadala yatoosa, sababu ona itemo o Yohanes una magena o nabi moi.”

Matius 21:46

So kagena de o Yahudika manga roriri imasikadailako la tanu Una iwitago. Duma ma ngale ona yamodo o bi nyawa yadadala, so ona idadi kawa yaaka, sababu yadadala gena itemo Una magena o nabi moi.

Matius 26:5

Duma ona magena itemo, “Upa lo paaka ma orasi o rarame ma rabaka, sababu done o gangamo posigoko.”

Markus 12:12

O Yahudika manga roriri to Una Awi ade-ade gena yoise, de ona yanako Una wasimeta onaka. So kagena de ona imasikadailako la tanu Una iwitago. Duma ma ngale ona yamodo o bi nyawa yadadala, so ona itagi de Una ka widohaka.

Lukas 1:76

Duma nako ngona ai ngopa gena, ngona done asa niaso o Gikimoi Wikukuruye Awi nabi moi. Sababu ngona gena nodomano, la nosidailako o Jou Awi ngeko.

Lukas 20:5

Kagena de ona manga sidongirabaka imatekebicara moi de moika itemo, “Nakoso ngone potemo o haku o Gikimoino, done Una wonasitemo, ‘Nako komagena, de dadoohaso o Yohanes Wooosi niwipiricayawa.’

Lukas 20:7

So cawali isango itemo, “Ngomi mianakowa o haku magena kiano una wamake.”

Lukas 7:30

Duma nakoso o bi Farisika de o bi guru agama, ona magena o Gikimoi Awi ngale ma ngale manga ohoka gena yoholu yadehe, sababu idomaka gena o Yohanes ona waosi lo yoholu.

Yohanes 10:41

Kagena de o nyawa yadadala yahino Unaka, de ona imatekebicara itemo, “Ngaroko o Yohanes waakawa o nonako ihahairani, duma awi demo moi-moi dangodu gena ma ngale Una manena igogou de itero.”

Rasul 5:26

So kagena de o Gikimoi Awi Tahu ma jojaga ona de moili to ona manga sahe o bi rasul magena yangosoka, duma o bi jojaga he yangangapo kawa, sababu yamodo nako yangangapo done o nyawa yadadala yatoosa de o teto yasipaka.