Lukas 2:51 - O GIKIMOI AWI JAJI ma BUKU

⁵¹ Dabolo de ona iliho imakangaho manga doku o Nazaretka, de igogou Una wasigise daloha ma awa de ma babaka. O moi-moi idadadika dangodu magena ma awa ami sininga ma rabaka madiahika.

Lukas 2:51 Iomraidhean Croise

Dodadi 37:11

Bolo awi ria-ria ona magena asa widoosa kali unaka. Duma ma baba gena o doguruga magena ka wososininga de watagapi.

Matius 12:46

O Yesus wabicarasi o nyawa yadadalaka, de ma awa de Awi gianongoru yahino. So yahika kagena o tahu ma dudu kasi, de o nyawa moi iwisulo o Yesus wiaso.

Matius 3:15

Ma ngale komagena, so o Yesus wosango unaka wotemo, “Dohaka, la o moi-moi magegena idadi, sababu ngone bilasu pamote komagena la o Gikimoi Awi dupa paaka patotiai.” Dabolo de o Yohanes gena wisimote so o Yesus iwiosika.

Markus 1:9

Ma orasi magena o Yesus wahino o Nazaretno o Galilea ma tonaka. De o Yohanes o Yesus wiosi o Yordan ma Seleraka.

Markus 6:3

Igogou! Una manena cawali o tahu woaaka moi, ma awa gena ongo Maria, de Awi nongoru o Yakobus, o Yoses, o Yudas de o Simon. De Awi bira lo kanena igoge so pomasihie moi.” So ona yodupa kawa yoise maro o kia Una wotetemo gena.

Lukas 18:37

De ona itemo unaka, “O Yesus o Nazaret ma nyawa nonena wokahino.”

Lukas 2:19

Duma ongo Maria ami siningaka madiahi de mosifikiri.

Lukas 2:39

O Yusuf de ongo Maria ona magena manga manara o Jou Awi bobita moi-moi isilelefo gena dangodu yaaka daboloka, de ona iliho o Nazaret ma dokuka o Galilea ma tonaka.

Lukas 4:16

O Yesus wotagi to Una Awi soa de Awi doku o Nazaretka. Kagena de, maro ma biasa to Una Awi manara ma rabaka, so o Sabat ma wangeka Una wotagi wowosa o puji ma tahuka. Kagena de Una womaokoye la o Gikimoi Awi Jaji ma Buku wabaca,

Lukas 4:23

Magena de Una wotemo onaka, “Igogou, done asa ngini ma binuka nisitemo o ade-ade manena Ngohika, ‘He, dokter! Hika Ani rohe masirete gena nosiloha kasi. Nakoso igogou Ngona o nabi moi, de Ngona lo kanena Ani doku masireteka naaka o nonako ihahairani, kiaka miiiseka naaka daboloka o Kapernaumka.’

Efesus 5:21

De nginika o Gurumi Datetebi ma kuasa gena nipareta, so ngini lo bilasu nimatekesigiise, sababu komagena ngini asa ma Kristus niwihoromati.

1 Petrus 2:21

Ma ngale o sangisara niamoku gena o Gikimoi winihirika la niaaka komagena. Sababu ma ngale ngini gena ma Kristus Una lo Awi sangisara wamokuka, so maro Una o loha waakaka so wisangisara komagena lo bilasu ngini ningodu niaaka. Gena maro o pongaka wotagi so Awi dohu ma riho pasari la powisiduuru.