Lukas 2:4 - O GIKIMOI AWI JAJI ma BUKU

^4-5 Kagena o Nazaret ma dokuka o Galilea ma tonaka de o Yusuf bilasu womajobo. De ma bobai ongo Maria, gena moroheka, muna lo bilasu mowimote, so ona yasinoto imajobo de yotagi ikahie o Yudea ma daeraka, yameta o Betlehem ma dokuka, kiaka ma Kolano Daud idodomaka o doku magenaka wisibubuo. O Yusuf kagena wakahika la manga ronga isilefo de yaeto, sababu una magena awi sihino o Daud awi ngopa de awi danoku.

Lukas 2:4 Iomraidhean Croise

Dodadi 35:19

Komagena imaaka ongo Rahel ami sone. So muna asa mipoosu o ngeko ma dalateka, kiaka o ngeko magena o Efrataka ikokahika de o orasi manena naga gena isironga o Betlehem.

Dodadi 48:7

Komagena ngohi taaka ma ngale ani awa ongo Rahel. Muna tomisiboboso gena ma orasi o Padanka de mitagi o Kanaan ma tonaka so o Efrata ma doku he miadumuka, de kagena muna mosoneka. So o ngeko ikokahika o Betlehemka (isironga lo o Efrata) kagena ma soaka tomipoosu.”

Matius 1:20

Ma orasi o Yusuf ka watagapisi awi sininga ma rabaka womidolomu eko hiwa, de una wokioloka de wotoguruga. Awi doguruga ma rabaka una wakelelo o Jou Awi malaikat moi yahino de itemo unaka, “Yusuf, ngona gena o Daud awi ngopa de awi dano moi. Upa nimodo ongo Maria nomidehe, sababu o ngopa ami poko ma rabaka idadi gena ka cawali o Gikimoi Awi Gurumi Datetebi ma kuasa so imasibolote munaka.

Matius 2:23

o doku moi ma ronga o Nazaretka igoge. Kagena igoge gena isiganapuka, maro o kia idomaka o Jou Awi demo o bi nabi yalefo daboloka ma ngale o ngopa Una magena, “Done asa o nyawa itemo Una magena o Nazaretka ma nyawa.”

Lukas 2:3

So o nyawa yangodu magegena bilasu to ona manga soa de manga doku masireteka yakahika, la yasilefo de yaeto.

Lukas 4:16

O Yesus wotagi to Una Awi soa de Awi doku o Nazaretka. Kagena de, maro ma biasa to Una Awi manara ma rabaka, so o Sabat ma wangeka Una wotagi wowosa o puji ma tahuka. Kagena de Una womaokoye la o Gikimoi Awi Jaji ma Buku wabaca,

Yohanes 1:46

O Natanael woise de wotemo, “Ce! Idodooha so o loha de ma sihino o Nazaretno.” Dabolo de o Filipus wotemo, “Hino, potagi la ngona lo aku nowinano.” So ona imajobo.

Yohanes 7:42

Kanaga ngini nianakowa o Gikimoi Awi Jaji ma Buku ma rabaka isilefo o Salamati ma Kolano gena ma kolano Daud awi ngopa de awi danoku moi. De lo he niawosaka o Daud awi doku gena o Betlehemno. Mutuwade o Salamati ma Kolano gena bilasu o Betlehemka ma nyawa.”