Lukas 2:3 - O GIKIMOI AWI JAJI ma BUKU

³ So o nyawa yangodu magegena bilasu to ona manga soa de manga doku masireteka yakahika, la yasilefo de yaeto.

Lukas 2:3 Iomraidhean Croise

Dodadi 23:10

De o orasi magena o Efron lo womatamiye dede o Het ma bi nyawa imatotolomuno kagena to ona manga dodolomu ma rihoka, ena gena o kota ma ngora ilalamo ma simaka. So kagena o nyawa yadadala manga simaka de una wosango so ona lo yangodu iise wotemo,

Lukas 2:1

Ma orasi magena kanaga o Kirenius wodadi gubernur o Siria ma daeraka, de lo ma KaisarAgustus wopareta o Roma ma doku idadalaka, so kagena o gegeto ma nonoma idadi. De una wosulo o nyawa yangodu awi pareta ma rabaka bilasu o nyawa manga ronga isilefo de yaeto.

Lukas 2:4

Kagena o Nazaret ma dokuka o Galilea ma tonaka de o Yusuf bilasu womajobo. De ma bobai ongo Maria, gena moroheka, muna lo bilasu mowimote, so ona yasinoto imajobo de yotagi ikahie o Yudea ma daeraka, yameta o Betlehem ma dokuka, kiaka ma Kolano Daud idodomaka o doku magenaka wisibubuo. O Yusuf kagena wakahika la manga ronga isilefo de yaeto, sababu una magena awi sihino o Daud awi ngopa de awi danoku.