Lukas 2:25 - O GIKIMOI AWI JAJI ma BUKU

²⁵ O orasi magena o Yerusalemka, kanaga o nyawa moi awi ronga o Simeon, una magena awi sininga itiai de awi sigogise daloha o Gikimoika. O Gurumi Datetebi kanaga unaka, de lo una wongongano ma orasi he idumuka o Gikimoi asa o Israel awi ngopa de awi danoku magena wariwo.

Lukas 2:25 Iomraidhean Croise

Dodadi 6:9

O Nuh awi jarita gena kanaga una de awi ngopa yaruwange, ena gena o Sem de o Ham, de lo o Yafet, de o bi nyawa yangodu manga sidongirabaka ka cawali una magena o moi-moi o kia itotiai gena waaka o nyawaka, de o nyawa moi lo akuwa awi sala yamake. Una magegena o moi-moi waakaka imatero maro una dede o Gikimoi imarimoika.

Lukas 1:41

De komagena ami salam gena ongo Elisabet moise, de to muna ami ngopa ami roheka magena imahiti, de o Gurumi Datetebi Awi kuasa daasu-asu asa iwosa munaku de wopareta.

Lukas 1:6

Yasinoto magena o Gikimoi Awi simaka manga sigogise daloha Awi bobita dangoduka, de yacoho itiai so manga sala o nyawa moi lo akuwa yamake.

Lukas 1:67

O Yohanes ma baba, o Zakharia, una magenaku o Gurumi Datetebi Awi kuasa daasu-asu iwosa de wipareta, so o Gikimoi Awi demo wosingangasu gena wotemo,

Lukas 2:38

So ma orasi o Yusuf de ongo Maria o Gikimoi Awi Tahu ma rabaka, de ongo Hana lo mahino ami sukuru matide o Gikimoika, ma ngale o ngopa Una magena so moade-ade o nyawa yangoduka, kiaka yodamaha ma orasi o Gikimoi done o Yerusalemka ma bi nyawa manga lawangino wapalako.

Rasul 10:2

Una magena de to una awi tahu ma raba moi manga sigogise daloha o Gikimoika de Unaka wodupa wisusuba. Una awi roriwo idala wahike o Yahudi ma nyawa isususaka de lo wodupa wosumbayang o Gikimoika.

Rasul 10:22

De ona yasango itemo, “Ma kapita o Kornelius womisulo ngomi so miahino miniaso. Una magena o nyawa awi sininga itotiai moi de o Gikimoika wodupa wisusuba, de lo una o Yahudika ma nyawa yangodu iwihoromati ifoloi. Una magena dabolo o Gikimoi Awi malaikat moi iwisulo la wogolo ngona nahinosi awi tahuno, ma ngale wosigise o kia ngona notetemo unaka.”

Rasul 2:5

Ma dongoho magena o Yahudika ma nyawa o Gikimoika wisusuba, ona magena o bi doku o dunia ma ngoguno kagena o Yerusalemka imasidodogu.

Rasul 24:16

Ma sababu komagena to ngohi ai sininga ma rabaka o orasi isigeto-geto de tosidailako ai oho de ai manara ma rabaka ai sala ihiwa o nyawaka komagena lo o Gikimoika.

2 Petrus 1:21

Sababu o Gikimoi Awi nabi idodoma o demo isingongangasu magena upa o nyawa manga dupa masirete, duma ka Una Awi Gurumi Datetebi ma dupa so yodedemo.