Lukas 2:21 - O GIKIMOI AWI JAJI ma BUKU

²¹ O ngopa Una magena Awi umuru o wange tupaange yaadoka, de asa Una wisuna, yamote maro o Yahudika manga adati de manga galepu, de lo wisironga o Yesus, o ronga kiaka idomaka Una wihiwasi so ka ma awa ami rohe kasi de o malaikat gena wihikeka.

Lukas 2:21 Iomraidhean Croise

Dodadi 17:12

O orasi kangano manena de isolano ngona ani ngopa yanau asa isibubuoku la nakoso manga umuru o wange tupaange gena bilasu imasuna. Komagena lo bilasu nasuna to ngona ani gilalo yanau ani tahuka imomanara, bai ona isibubuo ani tahuka bai lo ona naijaka.

Matius 1:21

So muna done asa o ngopa yanau moi mowisibuo. De o ngopa Una magena ngona bilasu nowisironga o Yesus, sababu o ngopa Una magena asa Awi nyawa masirete o Israelka ma nyawa to ona manga dorou wapiki de aku wasisalamati. Komagena.”

Matius 1:25

Duma una woholusi womingaho la imasikiidu dede muna. Awi ngale gena womidohaka sidago lo muna mopuo kasi. Komagena so ma bati muna o ngopa Una magena mowisibuoka. Dabolo de o Yusuf o ngopa Una magena wisironga o Yesus.

Matius 3:15

Ma ngale komagena, so o Yesus wosango unaka wotemo, “Dohaka, la o moi-moi magegena idadi, sababu ngone bilasu pamote komagena la o Gikimoi Awi dupa paaka patotiai.” Dabolo de o Yohanes gena wisimote so o Yesus iwiosika.

Lukas 1:31

Ngona asa norohe so done asa o ngopa yanau moi nowisibuo. De o ngopa Una magena ngona bilasu nowisironga o Yesus.

Lukas 1:59

Ma orasi o ngopa magena awi umuru o wange tupaangeka, de o nyawa imakokadate de o gianongoru ona magena yahino imatolomu ma ngale una iwisuna, mote de o Yahudika manga adati de manga galepu. Manga edekati la yodupa iwisironga o Zakharia, maro awi baba masirete awi ronga.

Filipi 2:8

So Una asa wodupa womahadoku la ifoloi o Gikimoika wisigise sidago lo wosone o sangahadika.