Lukas 2:11 - O GIKIMOI AWI JAJI ma BUKU

¹¹ O putu manena kagena ma kolano Daud awi doku o Betlehemka o ngopa yanau moi wisibuo. Una magena wodadi o kolano la ma ngale ngini o dunia ma nyawa nia dorouno bilasu winisisalamati, ena gena ma Kristus, nanga Jou.

Lukas 2:11 Iomraidhean Croise

Dodadi 3:15

Komagena Ngohi tinisikadanggutu ngona de o ngopedeka muna manena, ngona de muna nia ngopa de lo nia danoku. So to ngona ani ngopa de ani dano asa manga sahe yapiropu de to muna ami ngopa de ami dano asa manga tutuweneka yatudu.”

Dodadi 49:10

Ngona ani ngopa de ani dano done o nyawa yapareta, ipareta imatoguwa sidago o nyawa moi ngo wahino. Una magena wihiri de wisulo wahino wopareta so o bi doku yangodu lo wisigise ka ka una bai.

Matius 1:16

Kagena de o Yakub ma ngopa yanau o Yusuf, de o Yusuf gena ongo Maria ma roka, muna magena mowisibubuo o Yesus, Una magena o Salamati ma Kolano.

Matius 1:21

So muna done asa o ngopa yanau moi mowisibuo. De o ngopa Una magena ngona bilasu nowisironga o Yesus, sababu o ngopa Una magena asa Awi nyawa masirete o Israelka ma nyawa to ona manga dorou wapiki de aku wasisalamati. Komagena.”

Matius 16:16

O Petrus wotemo, “Baba, Ngona manena o Salamati ma Kolano, o Gikimoi woooho Awi Ngopa.”

Matius 16:20

La komagena de Una wapoma onaka, “Ma ngale Ngohi o Salamati ma Kolano gena upa lo nisingangasu o bi nyawaka.”

Lukas 1:43

We! Ngohi manena nagoona sidago ngona gena, ai Jou ma awa, de nahino kanena ngohi noikurumi.

Lukas 1:69

Una witide ma ngale ngoneka gena o Salamati wokokuasa moi, Awi gilalo ma Kolano Daud to una awi ngopa de awi danoku moi.

Lukas 2:26

Ma moiku, o Gurumi Datetebi magena wotemo unaka komanena, “Ngona nosone waasi, de asa nowikelelo o Salamati ma Kolano gena o Jou Gikimoi wasijajajika.”

Lukas 2:4

Kagena o Nazaret ma dokuka o Galilea ma tonaka de o Yusuf bilasu womajobo. De ma bobai ongo Maria, gena moroheka, muna lo bilasu mowimote, so ona yasinoto imajobo de yotagi ikahie o Yudea ma daeraka, yameta o Betlehem ma dokuka, kiaka ma Kolano Daud idodomaka o doku magenaka wisibubuo. O Yusuf kagena wakahika la manga ronga isilefo de yaeto, sababu una magena awi sihino o Daud awi ngopa de awi danoku.

Yohanes 1:41

De o Simon wihiwa so o Yesus wikurumi dabolo, de o Andreas una cai-cai awi ria wisari. So wimakeka, de gila-gila awi ria o Simonka wotemo, “He! To ngone nanga Salamati ma Kolano gena ngomi miwikeleloka.” (Gena o bahasa Ibrani itemo o Mesias, imatero de o bahasa Yunani itemo o Kristus, gena ma ngale Una o Gikimoi wijajajika so asa wonasisalamati.)

Yohanes 1:45

De o Filipus asa to ona manga dodiao moi o Natanael wimake de wotemo unaka, “He! Ngomi gena miwimakeka Una magena o Salamati ma Kolano, kiaka o Musa de lo o bi nabi-nabi idodomaka gena o Gikimoi Awi Buku ma rabaka isilefoka. Una magena miwikeleloka bai! Una magena o Nazaret ma nyawa moi o Yusuf awi ngopa.”

Yohanes 11:27

“Iya, Jou! Tagogou ngohi ifoloi tonipiricaya, Ngona gena o Salamati ma Kolano o Gikimoi Awi Ngopa, gena o Gikimoi wojajajika wotemo Una done asa wouti o duniaku.”

Yohanes 20:31

So o nonako ihahairani waaaka magena, ngaroko dangoduwa, duma asa isilefoka, la ma ngale ngini aku niopiricaya igogou o Yesus Una magena o Salamati ma Kolano de lo Gikimoi ma Ngopa. De nakoso ngini asa niwipiricaya Unaka, de ma sababu ma ngale Una magegena so aku niamake o oho ma duhutu.

Yohanes 4:25

So o ngopedeka muna magena mobicara kali motemo, “Ngohi tanako o Salamati ma Kolano, Una magena wisiaso ma Kristus, done asa wahino, la ma orasi womasidiado, de Una masirete o bi moi-moi dangodu magena asa womidoto ngomika.”

Yohanes 4:42

De ona asa o ngopedeka magena imidedemo itemo, “Ma sababu ma nonoma gena ngona nomisingangasu so Una miwipiricaya, duma o orasi manena ngomi Una miwipiricaya sababu ngomi masirete lo asa miwikelelo de miise ka Unano. So ngomi aku mianako igogou Una asa o bi nyawa o dunia manena ma dokuka manga dorouno wasisalamati.”

Yohanes 6:69

Ngomi manena minipiricaya Ngonaka, ena gena ngomi mianako igogou Ngona gena o Sosulo Nitetebi moi o Gikimoino.”

Yohanes 7:41

Kanaga ma binukali itemo, “Nagala Una gena o Salamati ma Kolano.” Duma ma binukali kanaga itemo, “Dadoohaso o Salamati ma Kolano de o Galileano ma nyawa moi.

Rasul 10:36

Baba-baba, ngini nianako o habari daloloha magegena Una wosingangasu o Israel ma nyawaka, so o habari magena itemo o bi nyawa de o Gikimoi imakadame ma orasi o Yesus Kristus iwipiricaya, igogou Una magena o Salamati ma Kolano de lo o bi nyawa o duniaka manga Jou.

Rasul 13:23

De maro o kia o Gikimoi wojajika, o Daud una manena awi ngopa de awi danoku asa o Gikimoi witide kali o Yesus la ma ngale o Israel ma nyawa wasisalamati.

Rasul 17:3

Ena gena, una wadoto o Gikimoi Awi buku ma demo, de igogou o demo magena ma ngale o Salamati ma Kolano Una magena bilasu wosangisara de wosone, duma asa wooho kali, de o Paulus wotemoli, “O Yesus ngohi tinisihohabari gena, Una magena o Salamati ma Kolano.”

Rasul 2:36

So o gianongoru de o baba-baba ningodu, bilasu komagena la ngone o Israelka ma nyawa inangodu panako igogou de itiai, ma ngale o Yesus ngini niwisidodasangahadika, Una magena o Gikimoi wisidadi to ngone nanga Jou de nanga Salamati ma Kolano.”

Rasul 5:31

Komagena lo o Gikimoi wisidola de Awi girinaka wisitami la Una Wokolano de Wasisalamati, la Una magena aku womadadi o ngeko so ngone o Israelka ma nyawa nanga dorouno pomatoba de pomatoduba la o Gikimoi wonasiapongu.

1 Korintus 15:47

O nyawa ma nonoma gena o tonano wosidadi la ioho o dunia manenaka. Duma ma Kristus, Una maro o Adam ma sinotoka, Una magena Awi sihino ka o sorogano.

Filipi 2:11

sidago lo ona yangodu gena asa imangaku moi de moika itemo, “Igogou, o Yesus Kristus Una magena nanga Jou,” so komagena ona yangodu iwisihoromati o Baba Gikimoika.

Filipi 3:8

De upa ka o bi moi-moi magegena ngohi he tacoho kawa, duma o orasi manena o bi moi-moi ma somoasi la nakoso isimahawa ngohi ma Kristus towipiricaya, dangodu magena tamalo maro o rugi ilalamo moi ngohika. Ka ma ngale Yesus Kristus to ngohi ai Jou igogou ngohi towinakoka, de komagena la ngohi asa o kia naga moi tamake foloisi ilamo Unaka. Ma ngale Una magegena so o bi moi-moi dangodu magena ai rugi moi de imatero maro ka o remo moi ai simaka, la ma ngale ngohi aku Una magena igogou towimake

Kolose 2:6

So ngini magegena o Yesus Kristus niwidehe dalohaka de wodadi dabolo to ngini nia Jou. Komagena so tanu ngini lo nia manara moi-moi ma rabaka gena imatero maro ngini dede Una nimarimoika.

1 Yohanes 4:14

De lo ngomi miakeleloka de miasingangasu dabolo o bi nyawaka gena o Baba Gikimoi wisulo ma Ngopa yanau wahino la wasisalamati o bi nyawa yangodu.

1 Yohanes 5:1

Nakoso kanaga o nyawa la yopiricaya igogou o Yesus Una magena manga Salamati ma Kolano, de ona yangodu igogou o Gikimoi Awi ngopa-ngopaka. De lo nakoso o Gikimoi Awi ngopa ona magena la kanaga yodupa ma Baba o Gikimoi widodara, de ona manga dodiao ma binuka lo, ma Baba Awi ngopa-ngopa, ona magena bilasu yadodara.