Lukas 2:10 - O GIKIMOI AWI JAJI ma BUKU

¹⁰ Duma o malaikat magena itemo, “Upa nimodo! Sababu ngohi tahino tinisingangasu o habari daloloha moi nginika, kiaka o more de o nali ma ngale o nyawa yangodu o duniaka.

Lukas 2:10 Iomraidhean Croise

Dodadi 12:3

Nako o nyawa yaaka o loha ngonaka done Ngohi lo Ai laha onaka tasidumu. Nako o nyawa o dorou yaaka ngonaka done Ngohi lo onaka takutuku. Ma ngale ngona so igogou o nyawa o bi doku dangodu yamake Ai laha.”

Matius 14:27

Duma gila-gila Una waaso de wotemo, “Eh, hika nia sininga niapoputuru! Ngohi manena o Yesus so upa nimodo!”

Matius 28:18

So kagena de Una womasidate onaka, de watemo, “O kuasa o sorogaka de lo o duniaka gena dangodu ihike Ngohika.

Matius 28:5

O malaikat magena wotemo o bi ngopedeka magenaka, “Upa nimodo! Ngohi tininako ngini niwisari o Yesus, kekiaka Una wisisasangahadika gena.

Markus 1:15

wotemo, “Ma orasi yaadoka, so manena asa o Gikimoi wopareta maro o kolano moi. Mutuwade hika niise la nimatoba de nimatoduba, de o habari daloloha magena niopiricaya bai!”

Markus 16:15

So kagena de Una wasulo onaka, “Nitagi ma bati o bi doku o dunia ma ngoguka, de nisihabari o habari daloloha o Gikimoino ma meta o dunia ma nyawaka.

Lukas 1:13

Duma o malaikat magena iwitemo, “Zakharia, upa nimodo! Sababu ani gogolo gena o Jou woiseka. Ani pedeka ongo Elisabet magena done asa o ngopa yanau moi mowisibuo. Ngona bilasu o ngopa magena nowisironga o Yohanes.

Lukas 1:19

So o malaikat magena wotemo, “Ngohi manena Gabriel, o Gikimoi Awi sosulo o sorogano. Una ngohi woisulo la tahino kanena de o habari magena todedemo de tonisingangasu ngonaka.

Lukas 1:30

De una wotemo kali, “Upa nimodo, Maria, sababu ngona manenaka asa o Gikimoi Awi laha wonisicatu.

Lukas 2:11

O putu manena kagena ma kolano Daud awi doku o Betlehemka o ngopa yanau moi wisibuo. Una magena wodadi o kolano la ma ngale ngini o dunia ma nyawa nia dorouno bilasu winisisalamati, ena gena ma Kristus, nanga Jou.

Lukas 24:47

De o habari daloloha gena bilasu de to Ngohi Ai ronga isihabari ma meta o bi nyawa yangoduka, la ma ngale ona manga dorouno imatoba de imatoduba de lo o Gikimoi waapongu. O habari magena bilasu isihabari ma meta o bi bangsa ma nyawa yangoduka, ma nonomaka o Yerusalemka.

Lukas 8:1

Dabolo de o Yesus wotagi o bi doku ma sigilolika wageto de o habari daloloha wosihabari ma ngale o Gikimoi asa wopareta maro o kolano moi. Una Awi muri yamogiowo de sinoto lo Una iwimote.

Rasul 13:32

So ma ngale magegena o orasi manena ngomi minisingangasu o habari daloloha nginika: Kiaka o Yesus wisiohoka o sone ma rabano gena, o Gikimoi waaka dabolo maro o kia wojajika to ngone nanga ete de nanga topora o Israel ma nyawaka. Komagena lo o Mazmur ma fasali sinotoka isilefo gena o Gikimoi wotemo, ‘Ngona gena Ai Ngopa. O wange manena Ngohi tadedemo yangoduka, igogou Ngohi gena to Ngona Ani Baba.’

Roma 10:15

De lo nakoso o nyawa la ma ngale Awi habari Una wasulo waasi isihabari, de idodooha o nyawa itagi isihabari. Kanaga Una Awi Jaji ma Buku ma rabaka itemo, ‘Igogou, o nyawa la kanaga yahino o habari daloloha yosihabari gena, o manara moi magena daloha icarawa.’ Ngaroko o Gikimoi wojaji komagena, duma Awi jaji magena wosiganapu waasi.”

Efesus 3:8

Nako ngohi de o Gikimoi Awi nyawa ma binuka, de igogou ona magena foloisi yolamo de ngohi. Ngaroko komagena, duma ngohi gena o Gikimoi Awi laha so asa woihike o manara la o habari daloloha tosihabari ngini o Yahudika ma nyawa nisowo. O habari ma ngale gena ma Kristus Awi laha foloisi ilalamo kekiaka paakuwa patuga.

Kolose 1:23

Ngini asa nitebika, hitilahi o dodoto itotiai gena ngini niapiricaya daputuru sidago lo nia piricaya gena nisitatapu igogou. Upa sidago nia ngongano o dodoto itotiai inisihohabarika gena ngini niodongosa. O dodoto itotiai magena isihabari dabolo o nyawa yadadala o dunia ma dokuka, de ma ngale o dodoto magena ngohi manena Paulus lo ai manara tosihohabari moi.