Lukas 2:1 - O GIKIMOI AWI JAJI ma BUKU

^1-2 Ma orasi magena kanaga o Kirenius wodadi gubernur o Siria ma daeraka, de lo ma KaisarAgustus wopareta o Roma ma doku idadalaka, so kagena o gegeto ma nonoma idadi. De una wosulo o nyawa yangodu awi pareta ma rabaka bilasu o nyawa manga ronga isilefo de yaeto.

Lukas 2:1 Iomraidhean Croise

Matius 22:17

Komagena so hika nomisingangasu, to Ngona Ani sininga ma rabaka gena o kia. Ka daloha o balastengi pofangu ma Kolano Wilalamo ma Kaisarka, eko upa.”

Matius 24:14

Duma o dunia ma dodogu yaado waasi, de o habari daloloha o Gikimoino gena bilasu isihabari kasi sidago o dunia ma pupuku ihaka, la o bi doku yangodu lo aku yoiseka. Dabolo de o dunia ma dodogu asa imasidiado.”

Markus 14:9

Ngini tinisingangasu igogou, o ngopedeka ami manara manena lo done asa ka yapetoka maro o sosininga moi munaka, kekiaka bato o Gikimoi Awi habari daloloha asa isihabari o dunia manena ma rabaka.”

Markus 16:15

So kagena de Una wasulo onaka, “Nitagi ma bati o bi doku o dunia ma ngoguka, de nisihabari o habari daloloha o Gikimoino ma meta o dunia ma nyawaka.

Lukas 2:3

So o nyawa yangodu magegena bilasu to ona manga soa de manga doku masireteka yakahika, la yasilefo de yaeto.

Lukas 3:1

Ma taungu mogiowo de motohaka ma Kaisar Tiberius awi pareta o Roma ma kotaka, de o Pontius Pilatus wodadi gubernur o Yudea ma daeraka, de lo o Herodes wopareta o Galilea ma tonaka. O Filipus o Herodes awi nongoru gena wopareta o Iturea ma daeraka de lo o Trakhonitis ma daeraka, o Lisanias wopareta o Abilene ma daeraka.

Rasul 11:28

To ona manga sidongirabano o nyawa moi awi ronga o Agabus womaokoye, dede o Gurumi Datetebi Awi kuasa una wosingangasu wotemo, ma orasi he idumuka done o dunia ma dokuka o bare asa imasidiado so o ino ihiwa. (O bare magena lo idadi ma orasi o Kladius wokolano.)

Rasul 25:11

De nakoso ngohi la o dorou moi taakaka sidago ngohi bilasu itooma, ngaroko ngohi tosone lo dadoohawa. Duma de manga galaki ikokulai magena moi lo yaakuwa ngohi isidoa o Yahudi manga roririka. Ma sababu moi-moi magena ngohi togoloka la ngohi asa itailako de ihakim ma Kaisar Romaka.”

Rasul 25:21

Duma o Paulus woholu de wogolo wotemo, ‘Nakoso yaaku, de ngohi kanena o bui ma raba kasi sidago lo ai hali manena bilasu ma Kaisar Roma asa watailako la wahakim.’ Ma sababu magena so ngohi tapareta la wijajaga kasi, sidago o orasi daloloha moi tamake de asa una magena towisidingo kadoka ma Kaisar Romaka.”

Roma 1:8

Ma nonomaka, sababu ma ngale ngone o bi moi-moi o Yesus Kristus waaka daboloka, so ma ngale ngini nipipiricaya o Romaka ningodu gena ngohi ai sukuru lo aku tatide o Gikimoika. Ai sukuru tatideka, sababu ma ngale ngini igogou o Jou Yesus niwipiricayaka gena o dunia ma bi doku dangodu lo yogiiseka.

Filipi 4:22

De lo to ngohi ai dodiao ipipiricaya kanena ma binukasi lo manga salam yosidingo tanu asa nimakamake kali de ngini, ma boboloi ona kanaga ma Kaisar awi kadatoka yomomanara.