Lukas 19:42 - O GIKIMOI AWI JAJI ma BUKU

⁴² Una wotemo, “Kodo! Ngini o Yerusalemka, kodo! Ka daloha nakoso o wange manena ngini nianako o kia aku o dame inigaho nginika. Duma dangodu magena nisikelelowa.

Lukas 19:42 Iomraidhean Croise

Lukas 19:41

Ma orasi o Yesus he womasidiado o Yerusalemka, so o doku magena aku wakelelo, de Una asa wogari.

Lukas 19:43

Ma orasi done asa imasidiado, de nia saturu asa ngini inilawangi, de nifati inisigilolika kiano bato, sidago o ngeko moi lo ihiwa la ngini aku niloda.

Lukas 19:44

Ona magena asa nia doku de ma raba dangodu yabodito, sidago lo iruba de ituraba so ma teto ngai moi lo asa imalapangawa de o teto ma somoa. Sababu ngini niwimaha-mahawa o Gikimoi Awi hino nginika la ngini winiriwo.”

Rasul 10:36

Baba-baba, ngini nianako o habari daloloha magegena Una wosingangasu o Israel ma nyawaka, so o habari magena itemo o bi nyawa de o Gikimoi imakadame ma orasi o Yesus Kristus iwipiricaya, igogou Una magena o Salamati ma Kolano de lo o bi nyawa o duniaka manga Jou.

Rasul 13:46

Kagena de o Paulus de o Barnabas foloi yobarani so ibicara itemo, “O Gikimoi Awi demo bilasu idoma kasi minidedemo ngini o Yahudika. Duma ngini niopiricaya niholu so komagena isikelelo, ngaroko itiaiwa ma ngale niamake o oho ikokakali. Mutuwade o orasi manena ngomi minidohaka la ma ngale mitagi o Yahudika ma nyawa yasowoka.

Ibrani 3:13

Duma ngini manena, nia orasi ma deka kanaga de maenasi, so ngini o wange isigeto-geto bilasu ka nimatekesiduduga moi de moika. Upa sidago o dorou inikulaika so ngini nia sininga idadi datogoi.

Ibrani 3:15

Komagena o demo magena ma edekati, kiaka o ayati idomaka pababaca itemo, “Nakoso o wange manena ngini o Gikimoi Awi ili niise gena, upa nia sininga niatogoi, maro nia ete de nia topora idodomaka so ona Ngohi iholu.”

Ibrani 3:7

So hika ngini nimasosininga o sidapano ma demo o Gurumi Datetebi wodedemo, kiaka idomaka isilelefo o Gikimoi Awi Jaji ma Buku ma rabaka itemo, “Nakoso o wange manena ngini o Gikimoi Awi ili niise gena,