Lukas 19:16 - O GIKIMOI AWI JAJI ma BUKU

¹⁶ Woleleleani ma nonomaka, una magena wahino wirisima de wotemo, ‘Tuangi, idomaka o pipi o guraci moi noihihike ngohika, magena ma dogo gena ngai mogiowoli.’

Lukas 19:16 Iomraidhean Croise

Lukas 19:13

So una magena womajobo waasi, de ileleleani unaka yamogiowo waaso la wasulo, de o pipi o guraci wahike moi-moi pipi ngai moi. O tuangi una magena wotemo, ‘Ngohi totagisi de o pipi manena aku nimasiiija hika de hino.’

Lukas 19:15

Ngaroko manga demo komagena, duma una magena iwitideka wodadi manga kolano, dabolo de woliho awi dokuka. Womasidiadoka, de una asa womatai-tai ileleleani yamogiowo ona magena waaso la wirisima, ma ngale o pipi ma utungu ma lamo o kiamoi ona yamamakeka magena aku wanako.

Lukas 19:17

Ma tuangi gena wotemo, ‘Igogou daloha! Ngona ani leleani manena daloha. Ma ngale ngona o kia naga ma cunu gena aku naaturu nokaeli, so ngohi lo asa tonitide la nodadi o kota mogiowo manga bobareta.’

1 Korintus 15:10

Duma ma ngale o Gikimoi Awi laha so ngohi kanaga aku todadi maro o Jou Yesus Awi rasul moika. De lo to Una Awi laha gena, to ngohi ai oho ma rabaka kanaga de ma sopo. Ngohi gena tomanara foloisi datubuso de o bi rasul ma binuka. Ngaroko igogou ngohi tomanara datubuso, magena to ngohi ai buturu dasowo, duma o Gikimoi Awi laha kanaga ngohi isiputuru.