Lukas 18:9 - O GIKIMOI AWI JAJI ma BUKU

⁹ Dabolo de o Yesus o ade-ade moili wadoto so wosijarita kiaka o nyawa kanaga yadoduhudu o nyawaka de itemo ka ona masirete gena manga sininga itiai.

Lukas 18:9 Iomraidhean Croise

Lukas 10:29

Duma o guru agama una magena wodupawa wisisala de awi siningaka wotemo awi gogoho ibolowoka. Komagena so wotemo, “Duma o nyawa maro nagoona ai dodiao la bilasu tadodara.”

Lukas 15:2

Kagena de o Farisi ma nyawa de lo o bi guru agama ona magena asa imaridemo onaka, de yotemo, “Asitagala! Una gena wadodiao de woodo dede o bi nyawa ma dorou ona magena.”

Lukas 16:15

Kagena de Una wotemo onaka, “Ngini nia manara itiaika o nyawa manga simaka, duma o Gikimoi nia sininga gena ka wanako. O kia naga o nyawa isihohoromati, magena o Gikimoi ka woleki.

Lukas 18:11

O Farisi ma nyawa una magena womaokoye de wosumbayang, awi sininga ma rabaka wotemo, ‘Ya Gikimoi, ngohi ai sukuru tatide Ngonaka, sababu ngohi manena maro o nyawa ma somoawa, ena gena yototosi, o nyawa o dorou yaaaka, eko lo yosusundali de komagena lo ngohi imaterowa maro o balastengi wototolomu una magena.

Lukas 19:7

Ma orasi o nyawa yangodu yakelelo igogou o Yesus wotagi o Zakheus awi tahuka, de ona magena imaridemo yotemo, “Awadede! Una wotagi wikurumi o nyawa ma dorou moi awi tahuka.”

Lukas 7:39

Magegena de o Farisi ma nyawa wakelelo o kia naga o ngopedeka muna magena maaka, de una awi sininga ma rabaka asa wotemo, “Nakoso o nyawa Una magena igogou o nabi moi, de Una aku wominako o ngopedeka muna magena de ami manara datotorou de womasimahawa Awi rohe mapada.”

Yohanes 8:48

Duma ona asa wisango Unaka itemo, “Icala! Ngona nikokitoka moi, eko hiwa. Ngomi mitero nakoso minisironga Ngona ka o Samariano, o Yahudika ma duhutu nisowo. Ngomi mitero bai!”

Yohanes 9:28

So una wosango daboloka, de ona asa wopipilo magena iwisimamade itemo, “Ce! Nagala ngona nodadi maro Una magena wimomote moi. Duma nako ngomi ani roriri gena, hiwa bai! Ngomi miamote gena ka o Musa kanaga o Gikimoi Awi bobita wosilelefoka.

Yohanes 9:34

De ona itemo unaka, “Gena bai! Ngona nisibuoku gena igogou nopiloka. Ce! Ngona gena nomafikiri de nanako, ngomi nagoona sidago asa notemo ngomi nomidoto komagena.” Ona iwitoosa komagena sidago ona lo asa wopipilo magena wisisupu de lo iwisimaha kawa o puji ma tahuka wowosa kali.

Rasul 22:21

Kagena de o Jou wotemo kali ngohika, ‘Saulus! Notagi bato! Sababu Ngohi asa tonisulo notagi o bi nyawa o Yahudika yasowo de o doku ikukuruka.’ ”

Roma 10:3

O ngeko idodooha o Gikimoi aku wotemo manga sininga itiai Unaka gena ona ka yaholu de ka manga ngeko masirete gena ona yamote, so ma ngale manga sininga idadi itiai o Gikimoika gena ka cawali Awi bobita gena yaaka.

Roma 14:10

So ngini magenena nako nia dodiao ipipiricaya kanaga o bobita moi yamotewa, upa sidago ona gena niahiri bilasu niasisala. De lo nakoso ngini o bobita gena niamotewa de lo nia dodiao ipipiricaya kanaga o bobita yamote gena, upa sidago ona magena niaduhudu. Igogou-gogou, done ngone inangodu asa o Gikimoi Awi simaka pomaokoye la ma ngale Una magegena wahiri nanga loha de nanga dorou.

Roma 14:3

Nako komagena, de o nyawa la kanaga itemo o kia bato yaodo gena ka idadi, de upa sidago yaduhudu o nyawa itemo idadiwa. Komagena lo o nyawa la kanaga itemo idadiwa, de upa sidago o nyawa itemo ka idadi gena yasisala. Sababu o nyawa itemo ka idadi, ona magena o Gikimoi masirete asa wadehe dalohaka.

Roma 7:9

Idoma gena o bobita o Gikimoino tanako waasi, so ngohi masirete ai oho ma rabaka imatero maro ai dorou ihiwa. Ngaroko komagena, duma ma orasi ngohi asa o bobita gena tanako, de ai dupa datotorou aku isikelelo sidago ai sininga ma rabaka itemo, “Ce! Ngohi gena o Gikimoi Awi simaka igogou kanaga de ai dorouka bai! So igogou Una ngohi woihike woholu o oho ka sidutu ikakali.”