Lukas 18:12 - O GIKIMOI AWI JAJI ma BUKU

¹² Ngohi manena o nahadi moi o wange sinoto toodowa de toudowa, de lo ai moi-moi kanaga ngohika magena taregu mogiowoka so o regu moi gena tosisuba Ngonaka.’

Lukas 18:12 Iomraidhean Croise

Matius 5:20

Komagena ngini manena akuwa niwosa o Gikimoi Awi pareta ma rabaka, ka cawali o moi-moi o kia itotiai gena niaaka ifoloisi nikaeli de o bi guru agama de lo o Farisika ma nyawa ona magena.”

Matius 6:1

“Nimasidodiahi, upa sidago ngini o agama ma dodagi de ma dodoto o nyawa manga simaka niaaka la ma ngale o nyawa ngini inikelelo. Nako komagena niaaka, de ngini asa nia fanggali o Gikimoi kadaku o sorogaka winihikewa.

Matius 6:16

“Nakoso ngini niodowa de niudowa, upa nimatuhudu maro o nyawa manga sigogise ikokulai o Gikimoika ona magena yaaka. Ma orasi ona yoodowa de youdowa, de yodupa imatuhudu de manga bio yamasauwa de lo manga hutu yawusiwa, la ma ngale o nyawa yanako ona yoodowa de youdowa. So tinisingangasu igogou, sababu ona manga giliri o nyawano gena yamake daboloka, so o Gikimoi Awi fanggali gena he ihiwa onaka.

Matius 6:5

“De nakoso ngini nisumbayang, upa sidago niaaka maro o nyawa de manga sigogise o Gikimoika ikokulai ona magena yaaka. Sababu o nyawa ona magena manga dupa imaoko o puji ma bi tahu ma rabaka eko o ngeko ma bi sagoka, la ma ngale o nyawa asa ona yakelelo. So ngini tinisingangasu igogou, sababu ona manga giliri o nyawano gena yamake dabolo, so o Gikimoi Awi fanggali gena he ihiwa onaka.

Matius 9:14

Dabolo de o Yohanes Wooosi awi nyawa wimomote yahino o Yesuska, yosano itemo, “Baba, ngomi de o Farisika ma nyawa miodowa de miudowa, duma dadoohaso to Ngona Ani muri-muri gena ka iodo de lo iudosi.”

Lukas 11:42

O bodito! Kodo! Ka o bodito asa inidahe ngini o bi Farisi ma nyawaka. Ngini gena o goho ma ceceke, gena koloko o rapa balakama, de o goraka magena o regu mogiowoka de o regu moi nisisuba o Gikimoika. Duma nisidoohawa o Gikimoi Awi bobita kiaka foloisi ilalamo, maro koloko o gogoho itotiai de lo o dodara o Gikimoika. Ngaroko, igogou bilasu o bobita ma eece gena niaaka, upa sidago lo o bobita foloisi ilalamo magena niawosa.

Lukas 17:10

Komagena lo ngini. Nakoso o Gikimoi Awi pareta moi-moi dangodu gena ngini niaakaka, bilasu nitemo, ‘Nakoso ngomi manena cawali ka o bi gilalo. So o kia naga ngomi miaaka gena ka cawali to ngomi mia momoku.’ ”

Roma 3:27

Nako komagena o Gikimoi waaka nanga sininga itiai, de ngone o nyawa paakuwa nanga giliri masirete posimane eko pomasihie, de potemo, “Ngohi manena o Gikimoi Awi bobita taaka itiai, so Una aku wotemo ai sininga itiai dabolo Unaka.” Komagenawa! Sababu o Jou wositatapuka, nakoso o nyawa la kanaga o Jou Yesus wipiricayaka, de ona magena Una asa manga sininga waaka itotiai.

1 Korintus 1:29

O bi nyawa maro komagena Una wahirika de Awi ngale, so ngone o nyawa paakuwa to Una Awi simaka nanga giliri masirete posimane eko pomasihie potemo, “Ngohi manena de ai cawaro so o Gikimoi woihirika.”

Galatia 1:14

De nioiseka maro o gohiduuru yadala o Yahudika ma nyawa manga bobita o Gikimoino gena yaaka, komagena lo ngohi ifoloi taaka la nagala ai sininga itiai. Komagena maro ai ete de topora manga adati de manga galepu gena tacoho daputuru de magena tadoto tokaeli.

Efesus 2:9

Ngone de nanga manara masirete la pomasisalamati gena idadiwa. So o nyawa yaakuwa imasihie itemo, “Ngohi de ai manara masirete so tosalamatika.”

1 Timotius 4:8

Sababu o demo ma duuruka manena, gena igogou so bilasu o nyawa inangodu padehe daloha, ena gena, “O nyawa la cawali manga rohe isiputuru gena ma faida ka ma cunu, duma o nyawa la yaaka daloha maro o Gikimoi wodudupa gena, ma faida foloisi ilamo. Magena ma faida ilamo, sababu o orasi manena o Gikimoi asa Awi laha wosidumu onaka de o orasi ma simaka ona asa yamake o oho ka sidutu ikakali.”