Lukas 18:11 - O GIKIMOI AWI JAJI ma BUKU

¹¹ O Farisi ma nyawa una magena womaokoye de wosumbayang, awi sininga ma rabaka wotemo, ‘Ya Gikimoi, ngohi ai sukuru tatide Ngonaka, sababu ngohi manena maro o nyawa ma somoawa, ena gena yototosi, o nyawa o dorou yaaaka, eko lo yosusundali de komagena lo ngohi imaterowa maro o balastengi wototolomu una magena.

Lukas 18:11 Iomraidhean Croise

Matius 10:3

o Filipus; o Bartolomeus; o Tomas; o Matius, una o balastengi wototolomu; o Yakobus, o Alfeus awi ngopa; o Tadeus;

Matius 5:20

Komagena ngini manena akuwa niwosa o Gikimoi Awi pareta ma rabaka, ka cawali o moi-moi o kia itotiai gena niaaka ifoloisi nikaeli de o bi guru agama de lo o Farisika ma nyawa ona magena.”

Matius 6:5

“De nakoso ngini nisumbayang, upa sidago niaaka maro o nyawa de manga sigogise o Gikimoika ikokulai ona magena yaaka. Sababu o nyawa ona magena manga dupa imaoko o puji ma bi tahu ma rabaka eko o ngeko ma bi sagoka, la ma ngale o nyawa asa ona yakelelo. So ngini tinisingangasu igogou, sababu ona manga giliri o nyawano gena yamake dabolo, so o Gikimoi Awi fanggali gena he ihiwa onaka.

Markus 11:25

De lo nakoso ngini nisumbayang duma nia sininga isanangiwa de o nyawa ma somoa, nitagi la niasiapongu kasi. La ma ngale to ngini lo nia dorou de nia sala moi-moi asa nia Baba o sorogaka winisiapongu. [

Lukas 20:47

Ona magena o ngopedeka ibabalo yasihaga de o damato yasiosi so ma duuru de manga tahu lo yakooraka. Ma ngale manga sala de manga dorou yodidu, so ona isumbayang de ma demo yakuru-kuru la o nyawa yasigiliri. Igogou, totemo nginika! Done to ona manga manara magena o Gikimoi wafanggali datubuso icarawa.”

Lukas 22:41

La Una womatinga sutu ikuruka, de o tonaku wobukuku de wosumbayang,

Galatia 3:10

Sababu nakoso o nyawa kanaga itemo “Nako ngohi ka cawali o Yahudika manga bobita moi-moi o Musa walelefo gena dangodu tamote, de asa ai sininga o Gikimoi waaka gena itotiai,” ona magena o Gikimoi asa wakutuku. Sababu ma ngale o nyawa la maro ona magegena Una wasisala daboloka. Una Awi Bukuka isilelefo, “O nyawa nakoso o Yahudika manga bobita o Gikimoino isilelefo o Buku ma rabaka la kanaga ngai moi yatilaku, de o Gikimoi asa ona wasisala lo daboloka.”

Filipi 3:6

Ngohi ai gaeli gena ifoloi daputuru sidago lo o bi nyawa ma Kristus wipipiricaya tasangisaraka. Nako o bobita pamote so nanga sininga itiai o Gikimoika, o bobita magena dangodu ngohi taakaka de ma moi waasi ikalaki.

Gogelelo 3:17

De lo ngini nitemo, ‘Ngomi mikaya so mia oho ma kurangi moi lo ihiwa.’ Duma ngini gena nianakowa idodooha ngini nisangisara so ifoloisi nipeleso, komagena lo maro nisusa, eko nia lako ipiloka, de lo ka nimawatoka.