Lukas 17:3 - O GIKIMOI AWI JAJI ma BUKU

³ Komagena so ngini bilasu nimasidodiahi bai! Nako ngini o nyawa moi kanaga de ani dodiao wopipiricaya moi o dorou waaka ngonaka, de nowisidapano bato unaka. De nakoso womatoba de womatodubaka, de ka nowisiapongu.

Lukas 17:3 Iomraidhean Croise

Matius 18:21

Dabolo de o Petrus wahino o Yesusno de lo wotemo, “Jou, nakoso ai dodiao wopipiricaya moi o dorou waaka ngohika, de bilasu ngohi una towisiapongu sidago tosipara ma muruo. Nagala sidago ma para tumudingi?”

Lukas 21:34

“Nimajaga daloha, upa sidago ngini nirame-rame ifoloi de nidalu, eko o orasi isigeto-geto niosininga ka nia oho o duniaka, sidago done Ai wange Ngohi tahino kali gena inisitodokano de ngini nimasidailako waasi.

Efesus 5:15

Komagena so ngini nimasidodiahi. Upa niaaka maro o nyawa ifufuma, duma maro ka o nyawa icocawaro la magena bilasu niaaka.

Ibrani 12:15

De lo bilasu nimasidodiahi. Upa sidago nginino kanaga o nyawa moi nimakiliho so o Gikimoi Awi laha gena niaholu. Upa sidago lo niadoosa o nyawaka, sababu o doosa gena asa foloi idogo so nia rimoi yabiau de nidadala o dorou niaakaka, maro o gisisi moi ioho sidago ilamo kanaga idadi ka o raci moi so o nyawa yadala yasibodito.

Yakobus 5:19

Ai dodiao nipipiricaya, nakoso nginika kanaga o nyawa de ona magena o Jou Awi dodoto itotiai he yamote kawa, duma manga dodiao done asa yariwo la imakiliho yomote kali, igogou magena o loha yaakaka.

2 Yohanes 1:8

Ngini gena bilasu nimasidiahi de lo nimasitiari daloha bai ma ngale ngini ningodu asa ma Kristus niwipiricaya daputuru la niamake o fanggali gena o oho ka sidutu ikakali. Upa sidago ngini Una niwipiricayaka de niwipalako so niwipiricaya kawa, gena imatero maro to ngone nanga manara de ma gangela isisa.