Lukas 16:1 - O GIKIMOI AWI JAJI ma BUKU

¹ O Yesus watemoli Awi muri-murika, “Kanaga o nyawa wokakaya moi de lo awi nyawa moi awi arata ma jojaga. Awi arata ma jojaga una magena wikalaki, wokakaya awi arata ma pipi gena una wosigoguule.

Lukas 16:1 Iomraidhean Croise

Dodadi 15:2

Duma o Abram wotemo, “Ya Jou, Ngona Nokokuasa! Kodo! Ngona gena o ngopa noihike waasi ngohika. So done to ngohi ai arata de ai moi-moi dangodu manena gena cawali ai nyawa woleleleani ai tahu ma rabaka o Eliezer o Damsyik ma nyawa moi una magena asa wacoho de wapareta. Ma ngale komagena so, ngaroko upa he o loha ma fanggali moili noihike ngohika.”

Dodadi 43:19

So o tahu ma ngoraka yahika de yosibicara awi tahu wapopareta una magenaka yotemo,

Matius 20:8

Kagena de o wange itumuka, de ma doro ma duhutu magena wotemo awi nyawa wosisasahe moika, ‘Naaso yomomanara ona magena la ma ngale manga sewa moi-moi nafangu. Ma nonomaka sidago ona ibitototuuruno o cako motoha de asa yowowosa lo nafangu, dabolo de nafangu ona imomanara ibidodomano o goginita nosi de yowosaka.’

Lukas 12:42

De o Yesus wotemo, “Tosiade-ade kali, kanaga woleleleani moi wococawaro de lo awi tuangi awi manara waaka wokaeli. Woleleleani una magena ma tuangi witideka, la wodadi yoleleleani ma binuka manga sahe moi ma ngale manga ino o wange isigeto-geto wositoku.

Lukas 15:13

O wange muruo naga ipasaka, de ma nongoru una magena awi gimina gena wosiija, dabolo de wotagi o doku ikukuruka. Kadoka una awi oho ka worarame moi so awi pipi wosigoguule sidago wamataka.

Lukas 15:30

De ani ngopa gena de o ngopedeka isusundali so ani kaya wamataka, duma awadede, ma orasi woliho de ngona asa o sapi ma ngopa dasasaki moi natola unaka.’

Lukas 16:19

“Kanaga o nyawa wokakaya moi, una awi baju maro o kolano manga baju, so dangodu foloi ihahali. De awi oho o wange isigeto gena ka irarame.

Lukas 16:2

So wokakaya una magena awi arata ma jojaga gena wiaso, de wotemo unaka, ‘Ngohi toise kanaga o galaki moi ma ngale ngona. O orasi manena bato o nagi ma bi buku dangodu gena nosikelelo ngohika. O wange manena de ai arata ngona masirete asa naaturu kawa bai!’

Lukas 19:20

Dabolo de woleleleani moili wahino de wotemo, ‘Tuangi, manena ani pipi. Ngohi tadiahi daloha ai lenso ma rabaka tosisaoka.

Lukas 8:3

Mimoi ongo Yohana o Khuza ma pedeka, una woleleleani moi o Kolano Herodes awi kadatoka. Kanaga lo ongo Susana de lo o bi ngopedeka ma somoali yadadala. O ngopedeka ona magena de manga pipi masirete aku yariwo o Yesus de lo Awi muri-muri.

Titus 1:7

Bilasu ma moi waasi iwikalaki, sababu o nyawa ipipiricaya manga bobareta moi gena maro o Gikimoi Awi sosulo ma ngale o nyawa ipipiricaya waleleani. Komagena upa womacaralamo, upa witobatoosa, upa witobadalu, upa witobangamo de upa o pipi wodesere.

Yakobus 4:3

De nakoso ngini la o Gikimoika nigolo de o moi-moi nigogolo gena asa niamakewa, sababu nigolo de nia edekati datorou. Ngini nigolo de nia edekati ma ngale o moi-moi nionyafusu gena niapake la aku ka ngini masirete nimasisanangi.

1 Petrus 4:10

Ngini moi-moika gena o Gikimoi o bi cocatu winisitokuka, so de nia cocatu moi-moi nginika magena hika o nyawa nialeleani, la ma ngale Awi laha winisicatuka magena aku niaaka nikaeli.