Lukas 15:2 - O GIKIMOI AWI JAJI ma BUKU

² Kagena de o Farisi ma nyawa de lo o bi guru agama ona magena asa imaridemo onaka, de yotemo, “Asitagala! Una gena wadodiao de woodo dede o bi nyawa ma dorou ona magena.”

Lukas 15:2 Iomraidhean Croise

Matius 11:19

De ma orasi Ngohi o Nyawa ma Duhutu tahinoka, de asa ka toodo de toudo. Ona magena lo Ngohi iholu, so itemo, ‘Hika Una niwinano bai! Cedeke! Una witesere, witobadalu, de imatekedodiao de o balastengi itotolomu de lo o bi nyawa ma dorou o bi kawasa yahoholu.’ Ngaroko komagena, duma nakoso nianano o Gikimoi Awi nyawa wimomote manga manara, de ngini asa nianako Awi ngale gena itiai de wocawaro.”

Matius 9:11

Kagena de o bi Farisika ma nyawa o Yesus wikelelo womatamiye woodo de o bi nyawa ma dorou magena. So o Yesus Awi muri-murika yotemo, “Dadoohaso Una woodo de o balastengi itotolomu de o bi nyawa ma dorou ona magena.”

Lukas 15:3

So Una waade-ade onaka, wotemo komanena,

Lukas 19:7

Ma orasi o nyawa yangodu yakelelo igogou o Yesus wotagi o Zakheus awi tahuka, de ona magena imaridemo yotemo, “Awadede! Una wotagi wikurumi o nyawa ma dorou moi awi tahuka.”

Lukas 5:30

Kagena de o bi guru agama yamuruo naga, ona magena o Farisika, Una wikelelo womatamiye woodo de o bi nyawa ma dorou magena, so ona asa imaridemo de Una Awi muri-murika yotemo, “Aistagala! Dadoohaso Una woodo de o balastengi itotolomu de o bi nyawa ma dorou ona magena.”

Lukas 7:34

De ma orasi Ngohi o Nyawa ma Duhutu tahinoka, de asa ka toodo de toudo. Ngini gena lo Ngohi niholuka, so nitemo, ‘Hika Una niwinano bai! Cedeke! Una witesere, witobadalu, de imatekedodiao de o balastengi itotolomu de lo o bi nyawa ma dorou o bi kawasa yahoholu.’

Lukas 7:39

Magegena de o Farisi ma nyawa wakelelo o kia naga o ngopedeka muna magena maaka, de una awi sininga ma rabaka asa wotemo, “Nakoso o nyawa Una magena igogou o nabi moi, de Una aku wominako o ngopedeka muna magena de ami manara datotorou de womasimahawa Awi rohe mapada.”

Rasul 11:3

so itemo, “Dadoohaso ngona o nyawa imasusunawa manga tahuka notagi, de foloili kagena noodo dede ona.”

Galatia 2:12

Sababu ma orasi o Petrus kagena o Antiokhiaka, de idomaka una wodupa woodo de ona o nyawa ma Kristus wipipiricaya o Yahudika ma nyawa yasowo. Duma ma duuruka, o Yakobus o nyawa yamuruo naga o Yerusalemka wasulo la itagi o Antiokhiaka, de ma orasi ona imasidiado, de o Petrus una magena asa he wodupa kawa woodo de o nyawa ipipiricaya o Yahudika yasowo. Una wimodo, sababu o nyawa o Yakobus wasusulo gena yodupawa nakoso poodo dede o nyawa ma Kristus wipipiricaya o Yahudika yasowo so imasuna waasi, gena yamotewa o Yahudika manga bobita o Gikimoino.

1 Timotius 1:15

O demo maro ma duuruka manena, gena igogou so bilasu o nyawa inangodu padehe daloha: “O Yesus Kristus wahino o dunia ma dokuka la o bi nyawa de manga dorouka wasisalamati.” De o bi nyawa yangodu manga sidongirabaka ngohi foloisi ai dorou ilamo.