Lukas 13:13 - O GIKIMOI AWI JAJI ma BUKU

¹³ Magena de Awi gia womisipada munaku, de o orasi magena dabolo asa muna momaoko motiaika, so o Gikimoi mowigiliri.

Lukas 13:13 Iomraidhean Croise

Matius 9:8

Ma orasi o nyawa yadadala o kia idadadika gena yakelelo, de ona magena yamodo de o Gikimoi wisigiliri itemo, “Igogou! O Gikimoi Awi kuasa komagena ma lamo wahike o nyawaka.”

Markus 16:18

de nakoso ona o ngihia yacoho eko o raci yaudo, asa ona isiboditowa, de lo nakoso to ona manga gia yasipada o nyawa yasisirika, o nyawa ona magena asa yaloha kali.”

Markus 5:23

de wogolo ifoloi Unaka, “Baba, ai ngopa o ngopedeka moi tomisiboboso ami siri datubuso poli. Tanu nahino noimote de hiti nomipada, la ami siri datotubuso magenena itogu la upa mosone.”

Markus 6:5

Komagena so o riho magenaka o nonako ihahairani idalawa waaka, so ka cawali o nyawa yamuruo naga yasisiri de ka Awi gia wasipada de yalohaka.

Markus 8:25

So o Yesus Awi gia wosipada kali awi lakoka. So orasi magena dabolo de awi lako daloha kali so womasigeleloka, de wanako itiaika.

Lukas 13:12

Una wodoto, de muna magena womikelelo, so womiaso de wotemo munaka, “Awa, ngona nilohaka de ani panyake nipopiliku magena ihiwaka.”

Lukas 18:43

De o orasi magena dabolo wopipilo asa womasigeleloka. Kagena de wotagi o Yesus iwimote-mote, de lo o Gikimoi wisigiliri de wihoromati. De ma orasi o kia naga idadadi magena o nyawa yakelelo, de ona yangodu lo iwisigiliri o Gikimoika.

Lukas 4:40

O wange he itumuka, de o nyawa yadala kiaka yabisisiri de o panyake ma bio idala gena yatotota Unaka, de Awi gia wasipada ona moi-moiku de asa yalohaka.

Rasul 9:17

Mutuwade o Ananias wotagi de wowosa o tahu magenaka. So kagena de awi gia wahado o Saulusku, de wotemo, “Ai nongoru Saulus, o Jou Yesus nowikokelelo o ngeko ma soaka ma orasi ngona nokahino nonena gena, Una masirete woisulo ngohi tahino ngonaka la nomasigelelo kali de o Gurumi Datetebi Awi kuasa iuti ngonaku.”