Lukas 12:5 - O GIKIMOI AWI JAJI ma BUKU

⁵ Duma ka o Gikimoi Una magena niwimodo, sababu Una kanaga de Awi kuasa nia rohe watooma, de lo nia jiwa o narakaka waumo. Tagogou nginika, Una magena bato bilasu niwimodo.

Lukas 12:5 Iomraidhean Croise

Matius 10:28

Upa sidago ngini nimodo o nyawa la kanaga yodupa nia rohe yatooma, sababu ma ngale to ngini nia jiwa yatotooma gena ona manga kuasa ihiwa. Duma ka o Gikimoi Una magena niwimodo, sababu Una kanaga de Awi kuasa ma ngale nia rohe de lo nia jiwa gena o narakaka wasisa.

Matius 25:41

Dabolo de Ngohi asa tatemo o bi nyawa Ai gubalika, ‘Nitagi kasi, ngini gena Ai Baba winikukutuku. Niahika bato nia riho o uku ma sora ikokakali kagena ma rabaka, kiaka wosidodailako dabolo ma ngale o Ibliska de lo awi malaikat-malaikat wimomote.

Matius 25:46

So o Yesus Awi demo magena wadoto dabolo de wotemo, “O bi nyawa ma dorou ona magena yangodu asa yaumo o narakaku kiaka yasangisara de o sone ikokakali, de o bi nyawa de manga sininga itotiai o Gikimoi Awi simaka ona magena asa yamake o oho ka sidutu ikakali.”

Matius 5:22

Duma orasi manena Ngohi totemo nginika, o nyawa nagoona la o nyawa ma somoa moi de yangamo, ona magena lo bilasu yasisala maro yotooma moi. De o nyawa la kanaga manga dodiao manga ronga yogaka datorou, o nyawa ona magena bilasu yangaho la yasisala o Mahkamah Agama manga simaka. De lo o nyawa la kanaga manga dodiaoka yatemo, ‘Nofufuma de o nyawa ma dorou!’ o nyawa ona magena bilasu o naraka ma ukuku yaumo.

Markus 13:23

So bilasu nimasitiari daloha! Sababu o moi-moi dangodu manena Ngohi tinisingangasu idomaka la ngini nianakoka ngaroko idadi waasi.”

1 Tesalonika 4:6

Sababu nakoso o nyawa la ona masirete o nyafusu ma dorou yaaka manga dodiao ma pedekaka, de ona masirete o sala yagaka de lo yakulai manga dodiaoka. Upa lo sidago o nyawa o sala moi-moi magena yaaka, sababu o nyawa manga dorou maro komagena done asa o Jou wafanggali de o dorou. O moi-moi maro komagena idomaka ngomi minisingangasu de minisisitiari dabolo nginika.

Ibrani 10:31

Awa kodo! Nakoso igogou ngone nanga sala komagena, de o Gikimoi woooho Una magena wonasangisara.

2 Petrus 2:4

O bi malaikat ma dorou lo idomaka o Gikimoi wasisa, ena gena waumo de wabui kagena o naraka gena o busune iluluku-luku de dapopuputuka, ma ngale gena itamaha sidago ma wange yaado done asa manga dorou ma sopo wafanggali de o dorou.

Gogelelo 14:7

Una de awi ili ilamo-lamo wotemo, “He! O Gikimoi gena wolamo so ngini o nyawa ningodu bilasu ka Una magenaka niwihoromati de niwisigiliri. Sababu o Gikimoi o nyawa yangodu gena asa wafanggali manga loha eko manga dorou gena ma orasi he yaadoka. So ngini lo bilasu ka o Gikimoi niwisuba, sababu Una magegena o soroga, o dunia, o teo de lo o bi ake ma jobubu dangodu gena wosidadika.”

Gogelelo 15:4

Jou! O nyawa yangodu ka nisihoromati, o nyawa yangodu bilasu nisigiliri, ka ka Nonga nomatengo bato gena Ani sininga datebi. Ngona o nyawa yangoduka nasikelelo to Ngona Ani manara itetero, de o dunia ma bi nyawa ngodu done hino Ani simaka isuba.”

Gogelelo 20:14

So kagena de o Sone de lo o Sone ma Riho magena ma buturu asa ihiwaka, maro o uku ma talaga ma rabaku yatupuka. Nako o nyawa la o talaga magenaku yaumo, de ona magena yosone ma sinotoka.