Lukas 12:11 - O GIKIMOI AWI JAJI ma BUKU

¹¹ Nakoso ngini iningaho o puji ma bi tahuka, de inikalaki nagoona ipopareta manga simaka, upa lo nimodo ma ngale o kia bilasu ngini nisango.

Lukas 12:11 Iomraidhean Croise

Matius 23:34

Ngini nia ete de nia topora idodoma kanaga o bi nyawa itotiai yadadala gena yatoomaka, ma nonoma magena o Habel, una o nyawa moi idodomaka gena o moi-moi o kia itotiai gena waaaka, sidago ma duduuru o Zakharia, o Berekhya awi ngopa, una gena niwitooma o Gikimoi Awi Tahu ma lolohaka, kiaka o tahu o gaso yatutupu ma riho gena ma soaka. So ngini o bi nyawa o orasi manena o bi nabi gena Ngohi lo asa tasulo bilasu itagi nginika, ona magena icocawaro de Ai dodoto gena aku inidoto. Ma binuka ngini asa niatooma, ma binukali asa niasangahadi, de lo ma binuka asa nia puji ma bi tahuka niangangapo de ma binukali asa niaginihi so o bi doku nisigeto kiaka ona ilodaka. Ma dodoguka ngini o bi nyawa o orasi manena nia ete de nia topora, kiaka idodoma o nyawa itotiai yatotoomaka, to ona manga sala asa niamoku.

Matius 6:25

“Kanaga de ma sababu so Ngohi totemo nginika, upa nihawateri eko nitemo, ‘O kia asa poodo de poudo.’ Upa he nihawateri eko nitemo, ‘O baju kia asa pomasipake.’ Sababu ngini nia oho ma ngale ilamo gena upa o ino de o baju.

Matius 6:27

Ngaroko ngini nia sininga iruwahe so niamalo isusa gena, dadoohawa. Sababu ngini nia siningaka salalu ka o bi moi-moi idadala nisosininga, duma to ngini nia umuru gena ka o putu moi lo nidogo niaakuwa.

Matius 6:28

Dadoohaso ngini ka baju de nia sininga ihawateri. Niakelelo o dumule de ma leruka. Maena imanarawa de lo o baju iakawa.

Matius 6:31

Komagena so Ngohi totemo nginika, upa he nihawateri de nitemo, ‘O kia asa poodo de poudo. O baju kia asa pomasipake.’

Matius 6:34

So ma ngale ilangika gena o kia naga moi lo upa o wange manena de nisihawateri. O wange manena maena ma susa masirete gena yaadoka, so upa sidago o kia naga ilangi ma susa niosininga gena he niodogoli.”

Lukas 12:22

O Yesus wotemo Awi muri-murika, “Kanaga de ma sababu so Ngohi totemo nginika, upa nihawateri eko nitemo, ‘O kia asa poodo.’ Upa he nihawateri eko nitemo, ‘O baju kia asa pomasipake.’