Lukas 11:7 - O GIKIMOI AWI JAJI ma BUKU

⁷ De awi dodiao awi tahu ma rabaka gena wosango, ‘Ce! Upa noisisusa ngohi. O ngora ikucika de lo ngohi de ai ngopa-ngopa mimaiduka. Ngohi taakuwa tomomi la o kia naga tonihike ngonaka.’

Lukas 11:7 Iomraidhean Croise

Matius 25:10

So yofufuma magena yotagi o gososo imaija. So ona yotagi de wokakawi womasidiadoka. Yococawaro yamotoha ona magena, ma ngale manga silo yosidailakoka, so jai-jai ona de wokakawi yowosa imakomote o rarame ma tahuka, de ma ngora he yaperesuka.

Lukas 11:6

sababu kanaga ai dodiao moili awi dodagi ma rabaka asa wotulu ai tahuno, duma ai ino ihiwa so o kiawa towihike unaka.’

Lukas 11:8

Una gena, ngaroko he awi dodiao dabolo, duma wodupawa womomi. Ngaroko komagena, Ngohi totemo, sababu o nyawa magena wimadewa wogolo wosidadu-dadu awi dodiaoka, so igogou bilasu awi dodiao una magena asa womomi, de o kia awi kurangi gena iwihike unaka.

Lukas 13:25

Done ma orasi o tahu ma duhutu womomi de wahika o ngoraka de magena waperesu, de nakoso ngini kanaga o ngora ma duduka nimaokoye, de asa ngini niaso-aso, ‘Jou, kodo! O ngora nomibelenga ngomika.’ Duma una magena asa winisango wotemo, ‘Igogou, ma ngale ngini gena kiano ngohi tininakowa.’

Lukas 7:6

So kagena de o Yesus wotagi imakomote dede ona. Ma orasi o Yesus ka wotagi-tagisi so ma kapita awi tahu he wadumu, de ma kapita una magena awi nyawa yamuruo naga wasulo la itagi o Yesuska, la Unaka itemo, “Baba, ngaroko upa bai! Ngohi manena o Yahudika ma nyawa isowo, de Ani simaka gena o kia lo waali idahe so idadiwa ai tahuka toningaho,

Galatia 6:17

Nako o nyawa ma somoa la ngohi isisusa gena, ngohi asa ona tasidapano de totemo, “Upa ngohi nisisusa kali,” sababu o bi nabo to ngohi ai roheka gena isinako ngohi manena igogou o Yesus to Una Awi nyawa masirete wileleleani.